Стваральнік ПВТ Валер Цапкала, які паведаміў пра свае прэзідэнцкія амбіцыі, апублікаваў у сваім фэйсбуку чарговы допіс, прысвечаны ўдзелу ў выбарах.

Фота Сяргея Гудзіліна

Чытайце таксама:

Заснавальнік Парка высокіх тэхналогій Валер Цапкала ідзе на выбары

«Вы б і Стыва Джобса арыштавалі»: пяць фактаў пра Валерыя Цапкалу

Цапкала адзначыў, што ў яго ёсць праграма развіцця Беларусі.

«Яна акумулюе ў сабе самы перадавы сусветны вопыт, найлепшыя формы арганізацыі прамысловасці, сельскай гаспадаркі, дзяржаўнага кіравання, сістэмы падаткаабкладання, аховы здароўя, адукацыі і іншыя пытанні», — напісаў ён.

Але цяпер казаць аб праграме нельга з-за заканадаўчых абмежаванняў, запэўнівае Цапкала.

У цяперашні час каманда Цапкалы фармуе ініцыятыўную групу па вылучэнні яго кандыдатам у прэзідэнты. Патэнцыйны кандыдат запрашае ўсіх, хто хоча пераменаў, уступіць у яго ініцыятыўную групу.

«Дзякуй Вам усім за падтрымку! Разам мы пабудуем новую Беларусь!» — напісаў Цапкала.

Хочаш падзяліцца важнай інфармацыяй ананімна і канфідэнцыйна?