Пра гэта кіраўнік краіны заявіў сёння на нарадзе, піша БелТА.
Аляксандр Лукашэнка адзначыў, што, натуральна, чым больш шырока праводзіцца тэставанне, тым больш фіксуецца выпадкаў захворвання. Аднак галоўнае — надаць увагу захворванню на пнеўманіі, і не толькі на фоне каранавіруса. «Учора я даў каманду, каб неадкладна прадставілі мне прагноз не па COVID-19 (у нас гэты прагноз ёсць), а па пнеўманіях. Па ўсіх пнеўманіях, у тым ліку кавідных, — сказаў ён. — У нас, і не толькі ў нас, усюды, праблема нумар адзін у лячэнні — гэта пнеўманіі».
Што тычыцца пнеўманій, Аляксандр Лукашэнка канстатаваў, што ў Беларусі ўжо няма такога прыросту, як было нават 2-3 тыдні таму. «Дай бог нам на гэтым узроўні вытрымаць», — адзначыў кіраўнік дзяржавы.
0
0
0
0
0
0
