Міністэрства антыманапольнага рэгулявання і гандлю ўдакладніла пералік сацыяльна значных тавараў, на якія распаўсюджваецца рэгуляванне коштаў. Гэта прадугледжана пастановай МАРГ ад 7 мая 2020 года №36, паведамляе Звязда.
У прыватнасці, да сацыяльна значных тавараў цяпер адносіцца рыба свежамарожаная ў тушках, з галавой і без, патрошаная і непатрошаная (сямейства карпавых, трасковых, селядцовых, скумбрыевых, аргенцінавых), за выключэннем рыбных тавараў і вырабаў з рыбы, рыбнага філе. У спіс сацыяльна значных тавараў не ўваходзіць дэсертнае, шакаладнае, фруктовае масла з іншымі напаўняльнікамі, топленае масла. Да сацыяльна значнай ставіцца толькі вагавая або фасаваная пшанічная мука вышэйшага, першага і другога гатункаў без дадаткаў.
МАРГ удакладніў, якое мяса адносіцца да сацыяльна значнага.
Гэта ялавічына (у паўтушах і чвэртках) і свініна (у тушах і паўтушах), што рэалізуюцца па гатунках ў адпаведнасці са стандартамі раздзелкі дадзеных відаў мяса для рознічнага гандлю. Таксама ў спісе буйнакавалкавыя мясныя без костак і мясакасцявыя натуральныя паўфабрыкаты з ялавічыны і свініны (за выключэннем буйнакавалкавых бескасцявых мясных паўфабрыкатаў з высокакаштоўных частак тушы ялавічыны і свініны — выразкі, доўгія мышцы, паляндвічнай і шыйнай частак, высакаякаснай ялавічыны, а таксама буйнакавалкавых бескасцявых паўфабрыкатаў іншых найменняў з названых частак тушы).
Да сацыяльна значнай цяпер адносіцца негазаваная пітная вада без смакавых дабавак (расфасаваная ў ёмістасці), у тым ліку для дзіцячага харчавання, за выключэннем мінеральнай.
Пастанова ўступае ў сілу пасля яе афіцыйнага апублікавання.
-
У выніку пажару на «Кераміне» аб'ём вытворчасці заўважна ўпадзе. А ўзгаранне магло быць ускосным наступствам санкцый
-
Нацбанк хоча забараніць у Беларусі разлікі з дапамогай крыптавалют
-
Мяркуючы па пасажырапатоку транспарту, насельніцтва Беларусі з 2019-га скарацілася, можа, нават на 1,2 мільёна чалавек
На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць15
Каментары