Банкір Віктар Бабарыка абвясціў пра сваё жаданне ўдзельнічаць у прэзідэнцкіх выбарах 2020 года. «НН» сабрала факты пра ягоную сям’ю.

Жонка загінула на Мадэйры

У шлюбе з жонкай Марынай банкір пражыў амаль 30 гадоў. Трагедыя здарылася ў жніўні 2017 года на партугальскім востраве Мадэйра. Жанчына займалася дайвінгам і падплыла занадта блізка да адной з лодак, што прывяло да смерці.

Дайвінг — даўняе захапленне сям’і Бабарыкаў. Банкір пачаў займацца дайвінгам у 1999 годзе, на яго рахунку больш за 700 пагружэнняў. Пасля захапілася і яго жонка Марына.

Сам Бабарыка казаў, што яны з жонкай былі «жахліва розныя людзі», але зрабілі вялікую працу, каб сям’я адбылася.

«Яна змяніла мяне ў корані. Яна адвучыла мяне ад эгаізму. Яна зрабіла маё жыццё, — казаў Віктар. — Я не ўяўляю сабе, да чаго б мяне прывяло маё жыццё, калі б я быў адзін і будаваў яго на іншых прынцыпах, толькі для сябе. Гэты комплекс закладзены ў нас як адзінае цэлае: мы павінны быць у сям'і, мы павінны выхоўваць новых людзей і мы павінны змяняць гэты свет».

Марына Бабарыка займалася дабрачыннай і мецэнацкай дзейнасцю, яна ўзначальвала апякунскую раду фонду «Шанс».

Сын стварыў дабрачынныя платформы

Эдуард Бабарыка — сын банкіра, дастаткова вядомая асоба сярод мінскай публікі. 30-гадовы бізнэсмен стаў заснавальнікам краўдфандынгавай пляцоўкі «Улей», а пасля і праекта Molamola.

Эдуард таксама быў аўтарам некалькіх стартап-праектаў. Напрыклад, ідэі для планавання групавых падарожжаў elHobo.

Менавіта Эдуард стаў кіраўніком ініцыятыўнай групы бацькі.

Дачка жыве ў Аўстраліі

Віктар Бабарыка на вяселлі дачкі

Дачка Марыя таксама пайшла па банкаўскай лініі, працавала ў Лондане ў банкаўскай кампаніі J. P. Morgan Home. «Як загнаная, яна спала па 3-6 гадзін на суткі, не мела выхадных. Я быў у шоку, але яна сказала: «Ты ж мяне вучыў», — казаў Бабарыка ў «Току».

«У выніку яна плюнула на Лондан, плюнула на J. P. Morgan і пераехала жыць у Аўстралію, працуе там, шчаслівы чалавек. І я выдыхнуў», — казаў банкір. Цяпер ён бачыць дачку два разы на год: на Новы год (прыязджае яна) і цягам года (ці Бабарыка прыязджае ў Аўстралію, ці на нейтральнай тэрыторыі).

Глядзі таксама: «Ток» з Віктарам Бабарыкам

Хочаш падзяліцца важнай інфармацыяй ананімна і канфідэнцыйна?

98
Галена з Бэрэзы / Адказаць
12.05.2020 / 16:08
Да, этому мужику есть чем рисковать. И нахрен он ввязывается в этот фарс. Неужели так возлюбил он Беларусь и беларусов, на самом деле не достойных этой жертвы?
71
Иня / Адказаць
12.05.2020 / 16:35
Тоже не совсем понятно зачем ему это. Денег много потратится на это, а результат известен, ну хотя бы пробовать..
16
ЯяЯя / Адказаць
12.05.2020 / 16:42
Галена з Бэрэзы, Прынцып жыцця іншы, не “Мая хата з краю”, а “Калі не я, дык хто?”
Паказаць усе каментары/ 18 /
Каб пакінуць каментар, калі ласка, актывуйце JavaScript у наладах свайго браўзеру