15.05.2020 / 13:56

Дома ўсё ў парадку: А1 прадставіў уласную сістэму разумнага дома 4

Кампанія А1 прапанавала жыхарам Беларусі інтэлектуальную сістэму «А1 Разумны дом». З яе дапамогай можна зрабіць сваю кватэру, загарадны дом або дачу больш камфортнымі. Стратэгічным партнёрам праекта выступіла чэшская кампанія Perenio IoT spol.s.r.o.

Фота Pixabay.com.

«А1 Разумны дом» — гэта комплекснае рашэнне, якое ўключае роўтар A1 Elegance, а таксама шырокі набор дадатковых прылад: разумную калонку з галасавым памочнікам Аліса ад Яндэкса, разумную разетку для аддаленага ўключэння і выключэнні бытавых прыбораў, камеру відэаназірання з пашыранымі магчымасцямі, а таксама розныя датчыкі, якія рэагуюць на рух, адкрыццё дзвярэй або вокнаў, задымленне або затапленне, рэгулююць тэмпературу і вільготнасць у памяшканні.

Прынцып працы рашэння ад А1 вельмі просты: усе прылады далучаюцца да «цэнтра» разумнага дома — роўтара A1 Elegance, — які перадае інфармацыю на смартфон або планшэт карыстальніка. Сувязь роўтара з прыладамі ажыццяўляецца з дапамогай радыёсігналаў у дыяпазонах 2,4 ГГц па пратаколе Zigbee.

Унікальнай асаблівасцю роўтара A1 Elegance з'яўляецца яго шматфункцыянальнасць. Акрамя кіравання разумным домам, ён адначасова выкарыстоўваецца ў якасці двухдыяпазоннага Wi-Fi-роўтара, які дазваляе раздаваць інтэрнэт у самыя аддаленыя куткі памяшканняў.

Таксама ён абсталяваны 3G/4G-модулем, які забяспечвае рэзервовы мабільны канал пры аўтаматычным пераключэнні паміж рэжымамі Wi-Fi і 3G/4G. Такім чынам, яго можна выкарыстоўваць як самастойны мабільны роўтар там, дзе не праведзены фіксаваны інтэрнэт, а ў дамах, падлучаных да сеткі любога правайдара, — у якасці ўніверсальнага роўтара для хатняга інтэрнэту з падтрымкай мабільнага ў выпадку перабояў з электрычнасцю або фіксаванай сувяззю. Убудаваная акумулятарная батарэя забяспечвае прыладзе да 6 гадзін працы ў аўтаномным рэжыме.

Кіраваць сістэмай «А1 Разумны дом» са смартфона можна праз аднайменны мабільны дадатак (даступна для прылад з АС Android і iOS). Ён дазваляе дадаваць і актываваць разумныя датчыкі і прылады карыстальніка (да 150 розных адзінак — ад бытавой тэхнікі да сістэм бяспекі), ствараць уласныя сцэнары з улікам індывідуальных патрэбаў або карыстацца гатовымі (такімі, як разумнае асвятленне, імітацыя прысутнасці, бяспечны дом), а таксама атрымліваць на тэлефон апавяшчэнні аб няштатных і надзвычайных сітуацыях.

Датчыкі для стварэння сістэмы разумнага дома можна набываць паштучна, каб камбінаваць іх на сваё вырашэнне. Яны не патрабуюць сцен і мантуюцца на любой паверхні з дапамогай клеявога пласта.

Для зручнасці карыстальнікаў самыя запатрабаваныя датчыкі і прылады згрупаваныя ў камплекты па даступнай цане:

  • «Бяспечны дом» (датчыкі дыму, працёку і адкрыцця);
  • «Бяспечны дом+» (датчыкі дыму, працёку і адкрыцця, камера відэаназірання);
  • «Камфортны дом» (датчык задымлення, два датчыкі адкрыцця і разумная разетка);
  • «Камфортны дом»» (датчыкі задымлення, працёку, адкрыцця, разумная калонка, а таксама інфрачырвоны пульт дыстанцыйнага кіравання).

«А1 Разумны дом» даступны абанентам усіх аператараў мабільнай і фіксаванай сувязі Беларусі. Пры гэтым для карыстальнікаў лінейкі тарыфных планаў «Комбі» прадугледжаны асаблівыя ўмовы набыцця неабходнага абсталявання: спецыяльная цана і растэрміноўка на 11 месяцаў. Кошт IoT-роўтара A1 Elegance складае ад 299 рублёў або 27,18 рубля ў месяц пры куплі ў растэрміноўку на 11 месяцаў. Кошт базавага камплекту датчыкаў — ад 249 рублёў або 22,90 рубля ў месяц пры куплі ў растэрміноўку.

Даведацца пра сістэму «А1 Разумны дом» падрабязней можна ў крамах А1, віртуальнай краме А1, а таксама ў кантакт-цэнтры па тэлефоне 150.

Хочаш падзяліцца важнай інфармацыяй ананімна і канфідэнцыйна?

NN.by

6
Кругом работающие пенсионеры / Адказаць
14.05.2020 / 19:22
Охрана теряет своих клиентов. Умный дом и страховка дешевле.
3
Кругом работающие пенсионеры / Адказаць
14.05.2020 / 19:46
Датчик дыма и протечки хорошо.
0
Common Sense / Адказаць
16.05.2020 / 17:51
Галоўнае каб можна дыстанцыйна спраўдзіць ці выключыў пліту, прас і ці замкнуў дзверы
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру