16.05.2020 / 16:53

Памерла любімая фатографка бітлоў Астрыд Кірхгер 1

Нямецкая мастачка і фатографка Астрыд Кірхгер памерла ў Гамбургу за дзень да свайго 82-годдзя, паведамляе DW са спасылкай на яе сябра. Гэта адбылося ў мінулы аўторак.

Кірхгер праславілася як фатограф гурта The Beatles, яна сябравала з музыкамі з самага пачатку іх кар'еры, пазнаёміўшыся ў 1960 годзе яшчэ з іх першым складам.

Яна нават была заручана з памерлым у 21 год бас-гітарыстам з першага складу гурта Сцюартам Саткліфам і была дызайнерам вокладкі дэбютнага альбома Джорджа Харысана Wonderwall Music.

Пасля смерці Саткліфа яна працягвала сябраваць з музыкамі і фатаграфавала іх усе шасцідзясятыя. У апошнія гады яна працавала стылістам і дызайнерам інтэр'ераў у Гамбургу і адкрыла там краму фатаграфій.

«Блаславі Бог Астрыд, выдатнага чалавека і фатографа», — напісаў у сваім твітары Рынга Стар.

Хочаш падзяліцца важнай інфармацыяй ананімна і канфідэнцыйна?

NN.by

0
Максим Дизайнер / Адказаць
20.05.2020 / 01:11
Какие крутые фотографии!Какие живые и интересные.
Каб пакінуць каментар, калі ласка, актывуйце JavaScript у наладах свайго браўзеру