Як стала вядома «Нашай Ніве», у Мінскім вайсковым шпіталі памёр 53-гадовы Герман Аляксандраў. Афіцыйная прычына смерці — пнеўманія з «неўдакладненым узбуджальнікам». 

Аляксандраў ужо не быў вайскоўцам, але ўзначальваў упраўленне Узброеных Сіл па выкарыстанні паветранай прасторы — быў палкоўнікам запасу. 

Фота: mil.by

Наколькі вядома «Нашай Ніве», два тэсты на каранавірус у Аляксандрава паказалі адмоўны вынік. 

Тым не менш, хавалі яго ў закрытай труне. Вядома пра выпадкі заражэнняў на каранавірус у паралельных упраўленнях. 

Міністэрства абароны прынесла спачуванні сям'і палкоўніка ў сваёй афіцыйнай газеце. 

Чытайце таксама: «Усё пачыналася як звычайная прастуда». Памёр 35-гадовы мінчук, на «карону» перахварэла ўся яго сям'я

Хочаш падзяліцца важнай інфармацыяй ананімна і канфідэнцыйна?