18.05.2020 / 14:30

Колькі чалавек прыходзяць на датэрміновае галасаванне, калі нікога не заганяць ДАКУМЕНТ 16

У нядзелю, 17 мая, прайшлі давыбары ў мясцовы савет у Калодзішчах. Галасаванне было безальтэрнатыўным, балатаваўся толькі адзін чалавек.

Партыя БНФ апублікавала фота пратакола з участка №1. Гэта не зусім звычайны ўчастак, бо да яго адносяцца больш за 200 вайскоўцаў. Для іх было арганізавана выязное галасаванне ў дзень выбараў.

Але звяртае на сябе ўвагу колькасць выбарцаў, якія прынялі ўдзел у датэрміновым галасаванні, — усяго 19 чалавек. Гэта 3,5% ад агульнай колькасці ўдзельнікаў галасавання.

Лічба адметная, бо яна дэманструе рэальную колькасць беларусаў, якім зручна галасаваць датэрмінова. На ўчастку ў Калодзішчах назіральнікі не заўважылі ніякага прымусу да ўдзелу у датэрміновым галасаванні.

Для параўнання, у датэрміновым галасаванні на парламенцкіх выбарах-2019, па падліках ЦВК, прынялі ўдзел 35,77% выбарцаў.

фота Іллі Дабратвора

фота Іллі Дабратвора

БЮ

Хочаш падзяліцца важнай інфармацыяй ананімна і канфідэнцыйна?

0
меркаванне / Адказаць
18.05.2020 / 14:43
Брава, партыя БНФ!
2
Вялікі Брат / Адказаць
18.05.2020 / 14:44
Бланк па беларуску, а пішуць на ім расейскай мовай.
1
Гвозд / Адказаць
18.05.2020 / 15:06
На датэрміновых найбольшая фальсіфікацыя. Чальцы камісій ад улады нават дакараюць людзям, што не галасуюць датэрмінова - па факту парушэнне закону, ціск на выбарцу. Відаць забываюцца настаўнікі і чыноўнікі, што падробка вынікаў галасавання - крымінальнае злачынства, арт. 192 КК РБ - да 5 гадоў турмы.
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру