Ад пнеўманіі памерла жанчына, якая супрацоўнічала з Камітэтам аховы здароўя Мінгарвыканкама
Як стала вядома «Нашай Ніве», некалькі дзён таму памерла спадарыня Г., якая была супрацоўніцай Камітэта аховы здароўя Мінгарвыканкама.
Апошнія дні жанчына ляжала з пнеўманіяй у РНПЦ пульманалогіі і фтызіятрыі.
Факт смерці работніцы з агаворкамі пацвердзілі ў Камітэце па ахове здароўя Мінгарвыканкама.
«Яна ляжала ў РНПЦ з пнеўманіяй, але вынікі ўскрыцця нам невядомыя. Юрыдычна яна не была нашым супрацоўнікам, але працавала на нашай тэрыторыі. А так яна супрацоўніца медыцынскага інфармацыйнага цэнтра, які структурна адносіцца да 6-й бальніцы», — сказалі «Нашай Ніве» ў структуры.
Вядома, што Г. пераважна займалася справамі «Чарнобыльскага рэгістра».
Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада8
Каментары