19.05.2020 / 07:29

У ЗША паспяхова выпрабавалі на людзях вакцыну ад каранавіруса 7

Амерыканская біятэхналагічная кампанія Moderna дала справаздачу аб паспяховых клінічных выпрабаваннях вакцыны ад каранавіруса. Адпаведная заява апублікаваная ў панядзелак на сайце кампаніі.

Выпрабаванні вакцыны пачаліся 16 сакавіка ў даследчым цэнтры ў Сіэтле (штат Вашынгтон). Яны праводзіліся сумесна кампаніяй Moderna і спецыялістамі Нацыянальных інстытутаў аховы здароўя ЗША. У выпрабаваннях узялі ўдзел 45 чалавек.

Удзельнікі клінічных выпрабаванняў былі падзеленыя на некалькі груп і атрымлівалі розныя дозы вакцыны. У тых, хто атрымліваў найменшую дозу вакцыны, антыцелы выпрацаваліся прыкладна ў той жа колькасці, што і ў людзей, якія перахварэлі на COVID-19. Пры гэтым у тых, хто атрымліваў вялікую дозу, антыцелаў у арганізме да заканчэння выпрабаванняў было выяўлена нашмат больш, чым у пацыентаў з каранавірусам пасля лячэння.

Акрамя Moderna выпрабаванні вакцыны ў ЗША вядуць кампаніі Inovio Pharmaceuticals і Pfizer, якая супрацоўнічае з германскай кампаніяй Biontech, адзначае tass.ru. Буйны вытворца фармацэўтычных сродкаў Johnson & Johnson плануе пачаць выпрабаванні сваёй вакцыны ў верасні.

Хочаш падзяліцца важнай інфармацыяй ананімна і канфідэнцыйна?

NN.by

2
Софрин / Адказаць
19.05.2020 / 08:16
Скорее бы что-то изобрели и внедрили чтобы закончилось это дурацкое время и всё устаканилось.
5
Ales' / Адказаць
19.05.2020 / 08:45
Вось таму ЗША і сусветны лідэр. А недзе на ўсходзе зашыўся ад віруса ў бункер лідэр асаблівай цывілізацыі. Смуткуе, марыць выйсці на паверхню і напужаць там усіх супер-бомбай, а потым абгуляць свайго ненахіляемага суседа ў карты ...
2
Tuteishi / Адказаць
19.05.2020 / 09:15
Вельмi добрая навiна. Тольткi рэдактару як звычайна вымова. Канчаткi паусюль маскоускiя. Трэба не каранавiрусА, а каранавiрусУ. Ад каранавiрусУ.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру