19.05.2020 / 15:04

У Мінску затрымалі выкрадальнікаў ровараў

Пра гэта паведамляе гарадская міліцыя.

У міліцыю паступіла некалькі заяў ад жыхароў раёна наконт крадзяжоў ровараў з пад'ездаў дамоў. Высветлілася, што хлопцы траплялі ў дамы альбо разам з жыхарамі пад'езда, альбо тэлефанавалі ў дамафон і, прадстаўляючыся суседзямі, якія забыліся ключы, прасілі адчыніць дзверы. Велазамкі перарэзалі нажніцамі па метале і выкрадалі ровары.

Міліцыянты затрымалі 22-гадовага і 24-гадовага мінчукоў. Вядома, што яны ровары здавалі ў ламбарды сталіцы, устаноўлена шэсць эпізодаў. Сума нанесенай шкоды склала больш за 2 700 рублёў.

Раней затрыманыя ўжо прыцягваліся да крымінальнай адказнасці.

Хочаш падзяліцца важнай інфармацыяй ананімна і канфідэнцыйна?

NN.by

Каб пакінуць каментар, калі ласка, актывуйце JavaScript у наладах свайго браўзеру