19.05.2020 / 15:19

Муж думаў, што жонка адклала на кватэру $46 тысяч. І жорстка памыліўся — феерычная гісторыя ад мінскай міліцыі 8

Фота Надзеі Бужан

Гісторыю апісвае сталічная міліцыя.

15 мая ў Цэнтральны РУУС паступіла паведамленне: на аўтарынку перад набыццём аўто з сумкі жанчыны скралі 26 тысяч даляраў і 20 тысяч еўра. Аднак міліцыянты, што прыбылі на месца здарэння, высветлілі, што насамрэч злачынства не было.

Жанчына прызналася, што патэлефанавала ў міліцыю, каб схаваць праўду ад мужа, з якім прыехала на аўтарынак. Доўгі час яна ўводзіла мужчыну ў зман і запэўнівала, што рэгулярна адкладае грошы, заробленыя ў камерцыі. У рэчаіснасці даходы траціліся на асабістыя і сямейныя патрэбы, пра што яна маўчала, каб не хваляваць блізкага чалавека.

— Муж і жонка прыехалі ў Мінск, каб не толькі купіць машыну, але і ўнесці задатак на куплю кватэры для дачкі.

Напярэдадні паездкі было вырашана пералічыць грошы. Жанчына папрасіла, каб не бачылі суседзі, завесіць шторы і пагасіць святло.

Насамрэч гэта рабілася для таго, каб ён не заўважыў падмену — замест сапраўднай валюты жанчына пералічвала сувенірныя еўра і даляры, якія яна некалькі гадоў таму купляла для выкупу нявесты на вяселлі.

На аўтарынку, пакуль муж размаўляў з прадаўцом, жанчына ўпотай дастала з сумкі сувенірныя грошы і схавала іх, пасля чаго паведаміла пра крадзеж.

Па прычыне таго, што ўсе абставіны былі высветленыя да прыняцця заявы аб злачынстве, у дачыненні да заяўніцы склалі адміністрацыйны пратакол за заведама лжывае паведамленне. Зараз жанчына чакае суда. Ёй пагражае штраф да 15 базавых велічынь (405 рублёў).

Хочаш падзяліцца важнай інфармацыяй ананімна і канфідэнцыйна?

2
Вочань инцярэсна / Адказаць
19.05.2020 / 15:36
Что у людей в голове?.......
1
Šarkoŭski pan / Адказаць
19.05.2020 / 15:47
Вось каго сямейная сцэна чакае, а не Марыну Адамовіч.
3
Настасся Я / Адказаць
19.05.2020 / 16:50
Человеческая глупость не перестаёт меня удивлять...
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру