20.05.2020 / 16:53

Бабарыка: Калі за выказванне палітычнага пратэсту атрымліваеш дубінкай па спіне, гэта не нармальна 6

«Назавіце мне хоць адно палітычнае забойства ў Еўропе з 2000 года? Альбо знікненнне. У любой краіне Еўропы», — сказаў Віктар Бабарыка сёння на прэс-канферэнцыі ў Мінску, каментуючы магчымы пераслед і знікненне палітыкаў у Беларусі.

На яго думку, падобныя знікненні былі ў той час у Літве, Грузіі, Украіне.

«Пасля 2000 года ёсць у Беларусі факты нераскрытых злачынстваў? Я шчыра не веру, што Беларусь у 2020-м прадэманструе такія ж факты, якія былі да 2000 года», — сказаў ён.

Пракаментаваў Бабарыка і пераслед палітычных апанентаў, што адбыўся пасля выбараў 2006 і 2010 года.

«Я катэгарычны праціўнік такога. Калі людзі не правакуюць на такія дзеянні, не парушаюць закон, то такі пераслед — гэта кепска. Мы [наша ініцыятыўная група] не парушаем закон, не думаю, што будзе пераслед.

Я лічу, што ненармальна, калі за выказванне палітычнага пратэсту можна атрымаць дубінкай па спіне», — сказаў ён.

Хочаш падзяліцца важнай інфармацыяй ананімна і канфідэнцыйна?

NN.by

1
Брыдкая пачвара / Адказаць
20.05.2020 / 17:15
Трохі не зразумелы камент. Забойствы Шарамета, Бузіны і іншых на Украіне былі не так даўна. І злачынцы не знойдзены, як ї Захаранкі, Ганчара, Красоўскага. Хоця і на Украіне і ў нас усе дагадваюцца —куды вядуць сляды.
0
вусцішны троль / Адказаць
20.05.2020 / 17:27
«Назавіце мне хто адно палітычнае забойства ў Еўропе з 2000 года?» - Ну калі толькі РФ не ліцыць Еўропай. Інакш - забойства Нямцова ў 2015. Але галоўнае - такія злачынства не маюць тэрміну даўнасці. Не мае розніцы калі былі здзейснены палітычныя забойства - 20 ці 25 гадоў таму - рана ці позна яны будуць раследаваныя.
0
Orwell's Nightmare / Адказаць
20.05.2020 / 17:39
1. Нямцоў?.. 2. Крымінальныя справы за "псаванне маёмасці" 2010?.. Стас Барановіч у ШІЗА за супраціў выкраданню пратэстоўцаў незразумела кім у цывільным?.. Віктар, незалік.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру