20.05.2020 / 16:48

Бабарыка: Будзе незалежнасць — будзе тады і мова, і герб, і сцяг 55

Фота Надзеі Бужан

Пра гэта патэнцыйны кандыдат у прэзідэнты Віктар Бабарыка заявіў сёння на прэс-канферэнцыі ў Мінску ў адказ на пытанне НН.

«Будзе незалежнасць — будзе мова, герб, сцяг. Наша незалежнасць цяпер пад пагрозай, размова ідзе пра гэту 31-ю карту [інтэграцыі]. Дарэчы, не мы яе прыдумалі, гэта прыдумана ў 1999 годзе, — сказаў Бабарыка. — Эканоміка — адзіная прычына пагрозы суверэнітэту. Каб мы не думалі пра газ не па 127 даляраў, а па 70».

«Галоўная задача — зрабіць эканамічна моцную дзяржаву, а тады будзе і астатняе», — рэзюмаваў Бабарыка.

Хочаш падзяліцца важнай інфармацыяй ананімна і канфідэнцыйна?

20
LitvinM / Адказаць
20.05.2020 / 16:52
Самае вялікае што ен зробіць, калі раптам што - не будзе біць і саджаць за сьцяг і мову (прынамсі напачатку). А наконт вярнуць ... Мяркую знойдуцца шмат адмазак не вярнуць
15
Злрбны бурацін / Адказаць
20.05.2020 / 17:00
Нешта не тое кажа. Для ўкраінцаў з анэксаваным Крымам эканоміка таксама была адзінай прычынай?
11
Jan / Адказаць
20.05.2020 / 17:08
Тут наадварот павінна быць. Спачатку нацыянальная ідэя, потым эканоміка. Выбачайце, але калі беларус на адпачынку ці ў інтэрнэце кажа, што ён from Russia, то ён ускосна рэкламуе Расею. Гэта праз сарафаннае радыё там памнажаецца і інвестары потым разглядаюць Расею як варыянт, а Беларусь - ну гэта чорная скрыня, ніхто пра яе не расказвае, не будзем туды грошы інвеставаць.

Тут тэрмінова трэба дэнацыяналізацыю нацыі спыняць, а ён хоча гэта рабіць потым, калі ўжо не будуць патрэбныя ні беларуская мова ні БЧБ. Хітры вуж, ведае што ў ліміце будзе, таму дазваляе сабе такія спакуслівыя вольнасці.
Паказаць усе каментары/ 55 /
Каб пакінуць каментар, калі ласка, актывуйце JavaScript у наладах свайго браўзеру