Як паведамілі БелаПАН у аддзеле прапаганды і прафілактыкі УДАІ УУС Гомельскага аблвыканкама,
трагедыя адбылася ў 7.10 раніцы — ад прыпынку ў райцэнтры адправілася маршрутнае таксі "Добруш—Гомель",
у якім знаходзіліся сем пасажыраў і вадзіцель. На вачах у мужчыны, які праводзіў сваю дачку, аўтамабіль выехаў на сустрэчную паласу, знёс агароджу на мосце і ўпаў у раку.
Мужчына кінуўся ў ваду ратаваць дачку, але пры падзенні зламаў нагу. Дзяўчынку выратаваў рыбак. На месца здарэння выехалі супрацоўнікі ДАІ і МНС, пяцёра чалавек былі выратаваны, яны атрымалі траўмы і ўдары.
Тры чалавекі — вадзіцель, мужчына і падлетак, вучань 11 класа мясцовай школы — патанулі.
Прычыны здарэння высвятляюцца. Папярэдне пры апытанні было ўстаноўлена, што падчас руху вадзіцель страціў пільнасць.
0
0
0
0
0
0
