21.05.2020 / 10:07

Дзіўны выпадак у Магілёве: мужчына закідаў «гранатамі» дом і з нажамі напаў на гаспадара 3

СК паведаміў пра дзіўны выпадак, які здарыўся 19 мая ў Магілёве.

Уначы мужчына з дапамогай лесвіцы пракраўся на тэрыторыю прыватнага дома, дзе жывуць пажылыя муж і жонка. Ён абліў уваходныя дзверы дома лёгкаўзгаральнай вадкасцю, якую прынёс з сабой у каністры, і падпаліў. Пасля чаго разбіў акно ў доме і закінуў у памяшканне самаробны выбуханебяспечны прадмет.

А калі спрабаваў кінуць аналагічную прыладу ў другое акно, прадмет выбухнуў ў яго ў руках.

Аднак гэта не спыніла мужчыну. Калі 67-гадовы гаспадар дома выйшаў на двор і пачаў тушыць полымя, мужчына ўдарыў яго нажом. Пасля таго як пацярпелы выбіў з яго рук нож, мужчына дастаў другі нож і нанёс гаспадару дома яшчэ адзін удар. Нягледзячы на ​​атрыманыя раненні, пенсіянер аказаў супраціў і ўтрымліваў яго да прыезду супрацоўнікаў міліцыі.

З цяжкімі цялеснымі пашкоджаннямі пацярпелы дастаўлены ў бальніцу, яго жыццю нічога не пагражае. Падазраваны таксама шпіталізаваны з траўмамі галавы і абедзвюх кісцяў рук.

Падазраваны жыў недалёка ад дома пацярпелых, ніякіх канфліктных сітуацый паміж імі не ўзнікала. У дачыненні да падазраванага прызначылі комплексную судовую псіхолага-псіхіятрычную экспертызу.

Хочаш падзяліцца важнай інфармацыяй ананімна і канфідэнцыйна?

4
не для комментария,а для редакции. / Адказаць
21.05.2020 / 10:25
[Рэд. - дзякуй за заўвагу]
5
Зiма / Адказаць
21.05.2020 / 11:20
В опшчэстве такое напряжэние што слабаумныя аканчательна сходят с ума.
4
Кругом работающие пенсионеры / Адказаць
21.05.2020 / 12:14
Шалун.
Каб пакінуць каментар, калі ласка, актывуйце JavaScript у наладах свайго браўзеру