21.05.2020 / 15:58

Лукашэнка: Па смяротнасці ад каранавіруса мы найлепшыя ў свеце. Гэтага ніхто не аспрэчвае 39

Пра гэта кіраўнік краіны заявіў сёння падчас нарады з міністрам здароўя Уладзімірам Каранікам і сваім памочнікам Аляксандрам Косінцам.

«Нам трэба ратаваць людзей, у тым плане, што трэба змагацца за жыццё людзей. Паказчык адзін застанецца — смяротнасць людзей. І тое, што мы ў гэтым плане найлепшыя ў свеце, — ніхто ўжо не аспрэчвае. Ніхто!» — падкрэсліў Лукашэнка.

Паводле звестак Мінздароўя, за ўвесь час ад каранавіруса ў Беларусі памерлі 185 чалавек (25-е месца ў Еўропе), гэта 20 выпадкаў на 1 млн насельніцтва (12-е месца ў Еўропе).

Параўнаем з іншымі краінамі Еўропы: горшыя паказчыкі ў Польшчы — 965 смерцяў (або 25 на 1 млн), Літва — 61 смерць (22 на 1 млн), Расія — 3099 (21 на 1 млн).

Але: Украіна — 579 смерцяў (13 на 1 млн), Латвія — 22 смерці (12 на 1 млн), Славакія — 28 смерцяў (5 на 1 млн), Грэцыя — 166 (16 на 1 млн), Балгарыя — 120 (17 на 1 млн).

Смяротнасць па абсалютных лічбах у Еўропе

Колькасць выпадкаў смерці ад каранавіруса на 1 млн чалавек у Еўропе

Магчыма, маецца на ўвазе колькасць смерцяў на агульную колькасць захварэлых.

Хочаш падзяліцца важнай інфармацыяй ананімна і канфідэнцыйна?

NN.by

1
Ales' / Адказаць
21.05.2020 / 16:03
Першы ў свеце па брахні і ашуканству.
1
Alisa / Адказаць
21.05.2020 / 16:05
Ну навошта тут такая сціпласць - мы і па алкагалізму і па суіцыдам першыя ў свеце, дый эканоміка наша намбер ван! А также в обласці балета мы впередзі планеты всей
0
Лявон Баршчэўскі / Адказаць
21.05.2020 / 16:06
ужо ні плакаць, ні сьмяяцца ня хочацца, слухаючы гэнага обэр-эскулапа.
Паказаць усе каментары/ 39 /
Каб пакінуць каментар, калі ласка, актывуйце JavaScript у наладах свайго браўзеру