21.05.2020 / 18:51

Каранавірус: памерла медсястра барысаўскай бальніцы 7

Таццяна Кавалёнак 40 гадоў прапрацавала ў цэнтральнай раённай бальніцы Барысава. Яна была медсястрой хірургічнага аддзялення.

«У пачатку мая ў мамы трохі паднялася тэмпература. Яна зрабіла рэнтген, але ён быў абсалютна чысты. Таму працягвала хадзіць на працу як звычайна, — распавяла «Нашай Ніве» Ганна, дачка Таццяны Мікалаеўны. — 4 мая тэмпература была за 38 градусаў. Маме зрабілі КТ, на ім — двухбаковая пнеўманія».

5 мая Таццяну Кавалёнак паклалі ў барысаўскую бальніцу нумар 2. Зрабілі тэст на «карону».

«9 мая ёй пагоршала, перавялі ў рэанімацыю. 12 мая прыйшоў вынік тэсту — станоўчы. Тады праверылі і мяне, і бацьку, — кажа дачка. — Тату своечасова зрабілі КТ, таксама выявілі пнеўманію. Шпіталізавалі і яго».

16 мая Таццяна памерла. На наступны дзень прыйшоў аналіз яе мужа — каранавірус выявілі і ў яго.

«18 мая мы пахавалі маму. Бацьку на пахаванне не пусцілі дактары, ён і па сёння ў бальніцы. Стан у яго адносна нармальны, ляжыць у звычайнай палаце.

У пасведчанні аб смерці мамы напісалі «двухбаковая пнеўманія, сардэчная і лёгачная недастатковасць».

Адкуль маглі захварэць мама і тата, я не ведаю. Адзіны варыянт — мама «прынесла» вірус з працы, у іх якраз у тыя дні паступала шмат хворых на кавід», — мяркуе дачка.

Таццяне Кавалёнак было 60 гадоў.

Хочаш падзяліцца важнай інфармацыяй ананімна і канфідэнцыйна?

УШ

0
Яўген_2020 / Адказаць
21.05.2020 / 19:28
Толькі паспачуваць можна родным!  

Выпадак у афіцыйную статыстыку не пайшоў, відавочна. Колькі пнеўманій не кажуць гады. Толькі смяротнасць па выніках году пакажа. І то, калі не паспрабуюць змухляваць.  
5
счётчик Гейгера / Адказаць
21.05.2020 / 19:55
У пасведчанні аб смерці мамы напісалі «двухбаковая пнеўманія, сардэчная і лёгачная недастатковасць».
https://nn.by/?c=ar&i=252169

вот так и делают ститистику не более 5 смертей в сутки и 1 место в мире по минимуму смертей на 1000 заболевших короной...
Диктатура ! Ничего не сделаешь...+ " никчемные" оппы...Системная праца патрэбна. а не тольки грошы па кишенях....
2
Влад0857 / Адказаць
21.05.2020 / 20:15
Земля пухом ...
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру