22.05.2020 / 08:42

Карпенка: Усіх школьнікаў атэстуюць 4

Усіх вучняў, каго трэба, у Беларусі атэстуюць у чацвёртай чвэрці, неатэстацыі не будзе. Такую заяву зрабіў міністр адукацыі Ігар Карпенка ў эфіры праграмы «Маркаў. Нічога асабістага».

Паводле яго слоў, па атэстацыі нічога не змянілася.

«Я думаю, што неатэстацыі не будзе, таму што большасць усё-ткі школьнікаў дзесьці і самастойна (займаюцца), дзесьці атрымліваюць індывідуальныя заданні, дзесьці анлайн падключаюцца да адукацыйнага працэсу. Я літаральна на мінулым тыдні быў у Бярэзінскім раёне, наведваў шэраг школ. Нават у сельскай школе настаўнік тлумачыць тэму па фізіцы ў рэжыме Skype. Значыць, знаходзяцца некалькі вучняў, якія таксама прысутнічаюць на ўроку, з дома слухаюць гэтыя тлумачэнні, адказваюць на пытанні і гэтак далей, — растлумачыў Карпенка. — Па атэстацыі нічога не змянілася. Мы гатовыя атэставаць усіх тых, хто пакажа пэўныя веды».

«У нас у старэйшай школе, у сярэдняй школе кожны настаўнік ведае: ну, калі Таня Іванова, дапусцім, заўсёды добра адказвала па фізіцы, то што цяпер змянілася ад таго, прыходзіць яна заняткі ці яна з дома выконвае нейкія працы і з настаўнікам мае зносіны?» — сказаў Карпенка.

Кіраўнік Мінадукацыі нагадаў, што любая атэстацыя — гэта індывідуальны падыход.

«Мы ведаем цудоўна, што кожны настаўнік вядзе для сябе нейкія яшчэ пэўныя пазнакі, камусьці ставіць адзнаку па сукупнасці некалькіх урокаў, а кагосьці трэба паклікаць і на вочную атэстацыю. Гэта магчыма, мы далі адпаведнае ўказанне», — растлумачыў Карпенка.

Магчымасці для такой атэстацыі прадстаўлены ў выглядзе падтрымліваючых заняткаў або кансультацый у шосты школьны дзень. Акрамя таго, па словах міністра, можна паставіць яе пасля заняткаў у звычайны дзень, калі хтосьці баіцца прыходзіць цяпер у школу.

Карпенка падкрэсліў, што ўсе выразныя ўказанні дадзены, пры гэтым кожная школа сама вызначае, у якой форме атэставаць навучэнцаў.

Хочаш падзяліцца важнай інфармацыяй ананімна і канфідэнцыйна?

3
Имя / Адказаць
22.05.2020 / 09:03
В Минске не могут  организовать даже трансляцию уроков по Skype!
О чем говорить! Закупили в школы компов, оргтехники,  провели интернет - только использовать это просто не умеют или не хотят, как всегда ждут, пока "сверху" не сделают все за них или не спустят разнарядки. И заметьте ! Это все за НАШИ деньги, деньги налогоплательщиков! А как коснулось, что все это можно и нужно использовать  - отдачи НОЛЬ!

1
Чеснок / Адказаць
22.05.2020 / 09:12
Отрицание Злость Торг Депрессия > Принятие
0
Мікола / Адказаць
22.05.2020 / 09:14
Калян выдыхнуў 8)))
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру