22.05.2020 / 11:25

Пасля стыхійнага мітынгу медыкаў пазбавіўся пасады галоўны доктар Бабруйскай станцыі хуткай дапамогі 7

Фота Мірона Клімовіча

Пазбавіўся пасады галоўны доктар Бабруйскай станцыі хуткай дапамогі Сяргей Чудаў. Пра гэта TUT.BY паведамілі медыкі хуткай. Па словах крыніц, сёння Сяргей Генадзевіч працуе апошні дзень.

Чытайце таксама: У Бабруйску медыкі хуткай сарвалі здымкі сюжэта БТ аб надбаўках і арганізавалі стыхійны мітынг ВІДЭА

Па працоўным нумары Сяргея Генадзевіча ніхто не адказаў, але супрацоўнікі кажуць, што ён сёння на станцыі. Яго мабільны адключаны.

Пакуль абавязкі галоўнага доктара будзе выконваць цяперашні намеснік, Наталля Вежнавец.

— Сёння ўсё па-ранейшаму, — паведаміла TUT.BY Наталля Міхайлаўна. — Сяргей Генадзевіч — галоўны доктар, я яго намеснік. Ніякага іншага загаду па станцыі не было.

На пытанне, ці ёсць у яе інфармацыя аб адхіленні Чудава ад пасады, Наталля Міхайлаўна падкрэсліла: «На сёння — усё так, як я вам сказала».

Сход работнікаў хуткай медыцынскай дапамогі ў Бабруйску 20 мая скончыўся скандалам. Успыхнуў ён з-за журналістаў БТ, якія прыехалі здымаць сюжэт пасля звароту медыкаў у Адміністрацыю прэзідэнта з нагоды даплат за працу з заражанымі каранавірусам. Кіраўніцтва станцыі хуткай дапамогі зноў сабрала медыкаў «для тлумачэнняў ўказу». А тыя абурыліся, калі ўбачылі і пачулі, што здымачная група БТ «здымае прыгожую карцінку».

У дзень скандалу Сяргей Чудаў адмовіўся размаўляць з TUT.BY, спаслаўшыся на занятасць і неабходнасць складаць тлумачальную для вышэйшага кіраўніцтва з нагоды таго, што адбываецца на станцыі СНМП.

Хочаш падзяліцца важнай інфармацыяй ананімна і канфідэнцыйна?

1
Кругом работающие пенсионеры / Адказаць
22.05.2020 / 11:44
Нашли мальчика для битья. 
0
любите родину мать вашу / Адказаць
22.05.2020 / 11:52
знялі за што, за праўду, за тое, што не пазатыкаў рты падначаленым, ці за тое, што ім не даплаціў? дык апошнім, здаецца, кіруе мз?
0
меркаванне / Адказаць
22.05.2020 / 12:10
Дык, гэта Чудаў не выплаціў надбаўкі? Сабе забраў? Ці яго звольнілі таму, што яго падначаленыя абураліся нявыплатай?
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру