22.05.2020 / 12:21

Мінадукацыі не рэкамендуе праводзіць сёлета апошнія званкі 4

Фота Надзеі Бужан

У сувязі з COVID-19 школьныя выпускныя ў гэтым годзе адмянілі. Атэстаты 11-класнікам уручаць ва ўрачыстых абставінах. А што будзе з апошнім званком? — задаўся пытаннем Tut.by.

Першапачаткова апошні званок для вучняў 9 і 11 класаў сталічных сярэдніх школ павінен быў празвінець 29 мая, для вучняў з астатніх рэгіёнаў — 30 мая.

Аднак сітуацыя з COVID-19 ўнесла карэктывы. Як распавялі TUT.BY у Галоўным упраўленні выхаваўчай работы і маладзёжнай палітыкі Міністэрства адукацыі, сёлета ведамства рэкамендавала школам не праводзіць апошнія званкі. З мерапрыемстваў па завяршэнні навучальнага года, тлумачаць спецыялісты, будзе арганізавана толькі ўручэнне атэстатаў.

— Мерапрыемстваў па завяршэнні навучальнага года вельмі шмат, у тым ліку і апошні званок, таму мы не рэкамендуем яго праводзіць, — адзначылі ва ўпраўленні.

Ва ўпраўленні тлумачаць: магчыма, у вясковых школах або ў школах маленькіх гарадкоў, дзе ўсяго па адным невялікім класе, для выпускнікоў можна нешта арганізаваць.

Але калі гаворка ідзе пра гарадскія школы, дзе ў паралелях па чатыры-пяць класаў, плюс на свята прыйдуць бацькі, — «гэта ўжо масавае мерапрыемства». Праводзіць яго ў ведамстве не рэкамендуюць.

— Але канчатковае рашэнне застаецца за школай?

— Безумоўна, школа сама прымае рашэнне зыходзячы з канкрэтнай сітуацыі.

Хочаш падзяліцца важнай інфармацыяй ананімна і канфідэнцыйна?

0
циник / Адказаць
22.05.2020 / 12:51
А свой фальшывы спектакль рэжым рэкамендуе
0
Летов / Адказаць
22.05.2020 / 12:54
В школу загоняли, а выпускные и звонки не рекомендует. Тем более по их версии мы уже на снижение идем. Совпадение? Не думаю)
0
Grera / Адказаць
22.05.2020 / 13:06
А никчемные выпускные экзамены с недельными очными консультациями обязательны!
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру