22.05.2020 / 18:33

Вярхоўны суд зацвердзіў смяротны прысуд двум братам з Чэрыкава 7

Вярхоўны суд зацвердзіў смяротны прысуд братам Іллі і Станіславу Косцевым, якія ў ноч на 10 красавіка 2019 года забілі настаўніцу Наталлю Кастрыцу, піша Mogilev.online. Паводле следства, на працягу пяці гадзін браты збівалі 47-гадовую жанчыну і рэзалі нажом.

Калі настаўніца памерла, Косцевы выкралі прадукты харчавання і камп'ютар, а дом падпалілі, спрабуючы ўтаіць сляды злачынства.

У студзені 2020 года Магілёўскі абласны суд прысудзіў братоў да смяротнага пакарання.

У СМІ з'яўляліся матэрыялы пра тое, што ў сям'і Косцевых і Наталлі Кастрыцы быў даўні канфлікт. Незадоўга да гібелі Кастрыца выказвала намер перадаць на дзяржаўнае забеспячэнне дзяцей сястры Косцевых.

22 мая Вярхоўны суд разгледзеў апеляцыю Іллі і Станіслава Косцевых і адхіліў яе. Смяротны прысуд братам пакінуты ў сіле.

Апошняя надзея братоў Косцевых — памілаванне Лукашэнкі. Шанцаў на яго вельмі мала, улічваючы выказванні Лукашэнкі пра гэтую справу.

Хочаш падзяліцца важнай інфармацыяй ананімна і канфідэнцыйна?

8
Ladzimir / Адказаць
22.05.2020 / 19:28
Раз есць смяротнае пакаранне- вынеслі-усе правільна-нечага адмяняць. Людзьмі яны ўжо ніколі не стануць. Гэта звычайныя садысты. 
Калі можна замяніць на пажыццевы тэрмін- можна і замяніць- без права на датэрміновае асвабаджэнне.
5
Чеснок / Адказаць
22.05.2020 / 20:58
Ladzimir, что за двойные стандарты? Смертная казнь должна быть отменена и осуществляться самими зэками, как в цивилизованных странах
8
Туташнi / Адказаць
22.05.2020 / 21:58
Зачитали бумажку (апелляцию) написанную адвокатом. Да они половины слов из той бумаги не знают. Пустой скулеж. Эти двое выполнили свою миссию. Зачем нелюдям существовать среди людей?
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру