Беларусы падпісваюць петыцыю за адмену экзаменаў для навучэнцаў 9-х і 11-х класаў
Міністэрства адукацыі аб'явіла для навучэнцаў 9-х і 11-х класаў па тры даты для здачы выпускных экзаменаў: 2, 4, 9 чэрвеня для першых і 1, 3, 5 чэрвеня для другіх. На сайце petitions.by з'явілася петыцыя з адкрытым лістом у Міністэрства і са зваротам да Лукашэнкі.
Аўтарамі яе выступаюць пісьменніца Яўгенія Пастэрнак і настаўнік Яўген Лівянт.
Адкрыты ліст эмацыйна заклікае чыноўнікаў ад адукацыі рэальна паглядзець на сітуацыю і прыняць правільнае рашэнне.
У звароце да Лукашэнкі прапануецца адмовіцца ад правядзення выпускных экзаменаў пасля 9 і 11 класаў.
Аўтары ліста звяртаюць увагу на тое, што ўсе нашы суседзі перайшлі на дыстанцыйнае навучанне.
Аўтары петыцыі ўпэўненыя, што Міністэрства адукацыі не справіцца з бяспечным правядзеннем экзаменаў.
Каментары