Фота Надзеі Бужан
Музычны фестываль «Stereo Weekend з Новым радыё», які павінен быў прайсці 18-19 ліпеня ў Батанічным садзе, адменены. Пра гэта арганізатары паведамілі ў сацсетках. І абвясцілі новыя даты мерапрыемства: 10-11 ліпеня 2021 года.
З-за COVID-19 адмяніліся Нацыянальны фестываль беларускай песні і паэзіі ў Маладзечне, чэрвеньскі гарадскі пікнік Vulitsa Ezha, а таксама адзін з найбуйнейшых музычных фестываляў у Беларусі Lidbeer, што праводзіцца ў пачатку верасня ў Лідзе. Таксама быў адменены 6 чэрвеня канцэрт «Бі-2» на стадыёне «Дынама».
