23.05.2020 / 14:39

COVID-19 успыхнуў у доме састарэлых у Кобрынскім раёне 8

Каранавірус выяўлены ў 26 з 39 жыхароў Дома міласэрнасці ў вёсцы Імянін Кобрынскага раёна Брэсцкай вобласці.

Пра гэта паведамляе мясцовы сайт prosvit.org.

«Вельмі патрэбна дапамога ў Доме міласэрнасці ў Кобрыне, Брэсцкая вобласць, Беларусь. Гэта хрысціянскі дом-інтэрнат для пажылых людзей і людзей з інваліднасцю, які, як і многія дамы састарэлых, быў ахоплены хваляй новага невядомага віруса. Каранавірус дыягнаставалі ў больш за палову жыхароў і многіх супрацоўнікаў, і моцна не хапае абслуговага персаналу. Цяпер нешматлікія работнікі, якія засталіся з адмоўным тэстам на COVID-19, працуюць вахтавым метадам і жывуць з жыхарамі. Такая ізаляцыя — гэта вялікае выпрабаванне для персаналу», — такое паведамленне з'явілася на старонцы аб'екта сацыяльнага догляду «Дом міласэрнасці», размешчанай на базе ўстановы дзіцячы аздараўленчы цэнтр «Пярлінка» ў вёсцы Імянін Кобрынскага раёна.

У 1997 годзе ў абмен на будаўніцтва жылля для 18 афіцэрскіх сямей былы вайсковы гарадок быў перададзены хрысціянскай дабрачыннай місіі «Эмануіл» евангельскіх хрысціян-баптыстаў. На яе тэрыторыі быў спачатку створаны хрысціянскі дзіцячы цэнтр, дзе ў сваю чаргу ў 2010 годзе адкрыты Дом міласэрнасці.

Станоўчы каранавірусны статус пацвердзіўся як мінімум у 26 з 39 жыхароў Дома міласэрнасці. Усе пастаяльцы ізаляваныя, пражываюць у пакоях па адным.

Заразіліся і восем супрацоўнікаў Дома міласэрнасці. Сярод іх — і загадчык Ігар Мікляеў. Усе лечацца амбулаторна.

У некаторых краінах Заходняй Еўропы, напрыклад Францыі, дзе вялікая доля старых жыве ў дамах састарэлых, жыхары такіх устаноў складаюць да траціны ахвяр пандэміі.

Раней прыходзілі трывожныя весткі пра сітуацыю ў дамах састарэлых у Свіры (Мядзельскі раён), Кулі (Стаўпецкі раён), іншых раёнах.

Хочаш падзяліцца важнай інфармацыяй ананімна і канфідэнцыйна?

NN.by

9
Кругом работающие пенсионеры / Адказаць
23.05.2020 / 15:33
Я сначала подумал что это вилла. Например представителя РПЦ
1
Вясковы Лірнік / Адказаць
23.05.2020 / 16:28
Ну і дзе старыя небаракі маглі ўхапіць і прынесьці ў хату? Хутчэй за ўсё хтось з абслугі прывалок. Часам глядзіш, як людзі навокал абыходзяцца са сваім здароўем, і дзіву даешся, чаму мы яшчэ не усе палеглі. Нібы амаль усё ёсць, каб засьцерагчыся, але не, большасьць не даюць сабе справы што й як робяць. А у выніку гінуць бездапаможныя.
3
Ф-1 / Адказаць
23.05.2020 / 16:33
Кругом работающие пенсионеры, разве Вам есть чем думать?
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру