Бабарыка: Прашу прабачэння за недастаткова дакладны адказ. Не бачу ніякіх перадумоў нават абмяркоўваць адзіную валюту
Віктар Бабарыка выказаўся ў фэйсбуку на рэакцыю на яго рэзананснае інтэрв'ю расійскаму выданню «Маскоўскі камсамолец».
«Сёння, у матэрыялах рэсурсу «Наша Ніва», была апублікавана цытата з майго вялікага інтэрв'ю газеце «Маскоўскі камсамолец», якая тычыцца пытання ўвядзення адзінай валюты ў рамках магчымых інтэграцыйных працэсаў з Расійскай Федэрацыяй. Вырваная з кантэксту ўсяго інтэрв'ю, яна цалкам скажае маю пазіцыю па пытанні пабудовы незалежнай Беларусі.
Са свайго боку я яшчэ раз хачу сказаць: суверэнітэт і незалежнасць Беларусі — непарушная каштоўнасць. Цяпер я не бачу ніякіх перадумоў нават для абмеркавання пытання аб адзінай валюце.
Прыношу вам свае шчырыя прабачэнні за недастаткова дакладны і адназначны адказ на вельмі важнае для ўсіх нас пытанне, дадзены мной у інтэрв'ю газеце «Маскоўскі камсамолец», — напісаў патэнцыйны кандыдат у прэзідэнты.
Цяпер чытаюць
Паветраная гімнастка паказала закуліссе працы ў Белдзяржцырку7
Каментары