Мінск-навіны
У Нацыянальным аэрапорце «Мінск» пачалі дзейнічаць новыя правілы бяспекі ў сувязі з пандэміяй каранавіруса. Цяпер у будынак аэравакзала (тэрмінала) не будуць пускаць тых, хто праводзіць, і тых, хто сустракае, паведамляе прэс-служба аэрапорта.
Доступ у тэрмінал прадастаўляецца толькі пасажырам, членам экіпажа і персаналу. Выключэнне можа быць зроблена для тых, хто суправаджае або сустракае дзяцей, пасажыра з абмежаванымі магчымасцямі, асоб пажылога ўзросту.
У аэрапорце звярнуліся з просьбай да тых, хто сустракае і праводзіць, у будынак тэрмінала на ўваходзіць: «Вы можаце праводзіць/сустрэць сваіх блізкіх, сяброў або калег на вуліцы каля ўваходу ў аэравакзал».
Таксама пры ўваходзе ў будынак аэрапорта неабходна выкарыстоўваць ахоўныя маскі і выконваць сацыяльную дыстанцыю ў паўтара метра. У ранішнія і вячэрнія гадзіны пры ўваходзе ў будынак аэрапорта праводзіцца тэмпературны скрынінг.
Асобам, якія не пільнуюцца названых мер бяспекі, можа быць адмоўлена ў доступе ў будынак тэрмінала аэрапорта.
Гэтыя рэкамендацыі прыняты ў адпаведнасці з пратаколам Еўрапейскага агенцтва па авіяцыйнай бяспецы (EASA) і Еўрапейскага цэнтра па папярэджанні і кантролю захворванняў (ECDC).
