Solidarność: Польшча накіравала ў Беларусь 47 фур з медыцынскімі грузамі для барацьбы з COVID-19
Грузавікі вязуць 1000 кубаметраў грузу, у тым ліку маскі, лекі, тэсты на каранавірус, сродкі індывідуальнай абароны, а таксама 30 дарагіх апаратаў штучнай вентыляцыі лёгкіх.
47 грузавікоў з 300 тонамі гуманітарнай дапамогі для барацьбы з эпідэміяй COVID-19 выправіліся з Польшчы ў Беларусь. 5 чэрвеня груз прыбудзе на Горадзеншчыну і ў Мінск, паведамляе «Свабода».
Гэта ўжо другая партыя гуманітарнай дапамогі, прызначаная для Беларусі.
Як падкрэсліў дзяржсакратар канцылярыі прэм’ер-міністра Польшчы Міхал Дворчык, гэта найбуйнейшая партыя гуманітарнай дапамогі ў гісторыі сучаснай Польшчы. Яе даставяць у шпіталі Гродзенскай вобласці і Мінска.
На мяжы груз сустрэнуць прадстаўнікі Міністэрства аховы здароўя, Міністэрства замежных спраў і Польскай амбасады ў Мінску.
Гэта найбольшая партыя гуманітарнай дапамогі, якую наша краіна атрымала ад якой-кольвек замежнай краіны за перыяд пандэміі.
-
«Не проста запальваем, а адраджаем традыцыю». Ліхтаршчык з Брэста расказаў пра магію святла, гузік на ўдачу і старадаўнюю музыку
-
У вёсцы пад Брэстам мясцовыя жыхары рэгулярна канфліктуюць з адпачывальнікамі. Дайшло да абстрэлу электрамабіля
-
Беларусь займае другое месца па папулярнасці для студэнтаў з Расіі
Паветраная гімнастка паказала закуліссе працы ў Белдзяржцырку7
Каментары