president.gov.by
Пра гэта кіраўнік дзяржавы заявіў сёння, адказваючы на пытанні прадстаўнікоў СМІ пасля перамоваў з прэм'ер-міністрам Венгрыі Віктарам Орбанам, перадае БелТА.
«Пандэмія вельмі многае зменіць. Вы ведаеце, што я ў Беларусі два ці тры месяцы таму, калі толькі паўсталі гэтыя працэсы, сказаў, што камусьці гэта трэба. Ясна, што калі гэта нават нерукатворнае стварэнне, гэты каранавірус, то многія краіны захочуць скарыстацца гэтым вірусам, каб змяніць свет. Натуральна, краіны, якія лічаць сябе найважнейшымі і якія бачаць сваю ролю ў пераўладкаванні свету, — заявіў беларускі кіраўнік. — Таму пандэмія сапраўды шмат што зменіць. Але ціск не знікне. Мы павінны быць да гэтага гатовыя. Ціснуць будуць з усіх бакоў, і вытрымае толькі моцны. Моцны не толькі ў эканамічным, ваенным, палітычным дачыненні, але перш за ўсё — у маральных адносінах».
Аляксандр Лукашэнка адзначыў, што ў час перагавораў з Віктарам Орбанам яму спадабалася тэма, паднятая прэм'ер-міністрам, у плане ідэнтычнасці ў добрым сэнсе нацыяналізму і патрыятызму народаў.
«Гэты фактар будзе гуляць немалаважную ролю пасля гэтай пандэмічнай гісторыі. І мы да гэтага гатовыя. Венгрыя тым больш, нягледзячы на тое што яна знаходзіцца ў цесным Еўрапейскім саюзе. Мы гэта вітаем. І гэта адна з асноў нашага будучага супрацоўніцтва», — сказаў Лукашэнка.
