У Мінск прыехалі 43 грузавікі з польскай гуманітарнай дапамогай. Гэта маскі, лекі, тэсты на каранавірус, сродкі індывідуальнай абароны, а таксама аж 30 каштоўных апаратаў штучнай вентыляцыі лёгкіх, якія так трэба людзям з цяжкімі каранавіруснымі пнеўманіямі.
Гэта найбуйнейшая партыя гуманітарнай дапамогі ў гісторыі сучаснай Польшчы. І найбуйнейшая партыя дапамогі Беларусі — ні з Кітая, ні з Расіі мы падчас пандэміі столькі не атрымалі.
4 грузавікі па дарозе адправіліся ў Гродна і райцэнтры Гродзенскай вобласці. Астатнія паехалі на разгрузку на мытны пункт у Сеніцу.
Калону суправаджаюць 96 польскіх пажарных, памежнікаў, паліцэйскіх.
0
0
0
0
0
0