Жонка папулярнага палітычнага блогера і патэнцыйны кандыдат у прэзідэнты Святлана Ціханоўская дала сваё першае інтэрв'ю. Гутарка з ёй з'явілася ў эфіры расійскага тэлеканала «Дождь».
Ціханоўская выказала ўпэўненасць, што яе ініцыятыўная група збярэ неабходную колькасць подпісаў, але, як адрэагуе ЦВК, яна не ведае.
Ціханоўская адзначыла, што яе мужа нельга назваць «беларускім Навальным», бо ў Сяргея Ціханоўскага свой унікальны фармат.
Таксама Ціханоўская пракаментавала знаходжанне ў іх на дачы 900 тысяч даляраў падчас ператрусу.
На пытанне, ці падкінулі гэтыя грошы Сяргею Ціханоўскаму, Святлана патлумачыла, што не можа гэтага сцвярджаць.
«Я вельмі сумняваюся ў тым, што ён мог зарабіць гэтыя грошы. (…) Калі б былі такія грошы — у сям’і ці ў Сяргея, — то напэўна ён бы не змагаўся за нейкія правы простага народа», — сказала Святлана Ціханоўская.
