Дзеянні ў дачыненні да Белгазпрамбанка здзейсненыя з парушэннем законаў Беларусі, закранаюць інтарэсы расійскіх акцыянераў, заявіў «Газпрам», паведамляюць «РИА Новости».
«Газпрамбанк» (АТ) і ПАТ «Газпрам» як акцыянеры ААТ «Белгазпрамбанк» заяўляюць аб тым, што 11 чэрвеня 2020 года з парушэннем заканадаўства Рэспублікі Беларусь праўленнем Нацыянальнага банка Рэспублікі Беларусь былі ажыццёўлены незаконныя дзеянні па прызначэнні в. а. старшыні праўлення і в. а. намесніка старшыні праўлення ААТ «Белгазпрамбанк». Гэтыя прызначэнні суправаджаліся затрыманнем паўнамоцных членаў праўлення Белгазпрамбанка праваахоўнымі органамі Рэспублікі Беларусь», — гаворыцца ў рэлізе.
«Гэтыя дзеянні здзейсненыя з грубым парушэннем заканадаўства Рэспублікі Беларусь і Дамовы аб Еўразійскім эканамічным саюзе і непасрэдна закранаюць правы і законныя інтарэсы расійскіх акцыянераў ААТ «Белгазпрамбанк», а таксама інтарэсы кліентаў і ўкладчыкаў», — падкрэслілі ў «Газпраме».
Цяпер чытаюць
Ніну Багінскую вызвалілі без пакарання, крымінальную справу спынілі2
Каментары