Вераніка Цапкала паставіла на сваёй аватарцы ў фэйсбуку знак кампаніі Бабарыкі.
Вераніка Цапкала, жонка прэтэндэнта на прэзідэнцкую пасаду Валерыя Цапкалы, зрабіла жэст салідарнасці з затрыманым учора іншым прэтэндэнтам на пасаду прэзідэнта, Віктарам Бабарыкам.
Раней Вераніка Цапкала падтрымала Святлану Ціханоўскую, калі тая заявіла пра пагрозы сабе і сваім дзецям.
18 чэрвеня Цапкалы разам выйшлі да пікетоўцаў на праспект, каб падзякаваць ім.
Нагадаем, што 11 чэрвеня прайшлі ператрусы ў Белгазпрамбанку, якім раней кіраваў Віктар Бабарыка, і ў кампаніях яго сяброў. А 18 чэрвеня Бабарыку і ягонага сына Эдуарда затрымалі і змясцілі ў СІЗА КДБ. Гэта здарылася пасля таго, як стала вядома, што каманда Бабарыкі сабрала рэкордную для Беларусі колькасць подпісаў у яго падтрымку. Усяго разам з Бабарыкам арыштаваныя як мінімум 20 яго сяброў, калег па бізнэсе і сяброў ініцыятыўнай групы.
Раней быў арыштаваны відэаблогер Сяргей Ціханоўскі, які таксама заяўляў пра свае перадвыбарчыя намеры. Разам з Ціханоўскім па ягоных справах праходзяць каля дзесяці чалавек.
Акрамя іх, былі арыштаваныя вядомыя палітыкі Мікалай Статкевіч і Павел Севярынец за арганізацыю вулічных пратэстаў.
Ніколі раней перадвыбарная кампанія не праходзіла ў такой атмасферы.
Петыцыя за вызваленне Віктара Бабарыкі менш за суткі сабрала 122 тысячы подпісаў.
Цяпер чытаюць
Лукашэнка спрабаваў высветліць, хто настукаў Пуціну пра георгіеўскія стужкі6
Каментары