Фота Віталя Палінеўскага

19 чэрвеня, ва ўрачыстасць свята Найсвяцейшага Сэрца Ісуса, мітрапаліт Мінска-Магілёўскі арцыбіскуп Тадэвуш Кандрусевіч адправіў імшу ў мінскім кафедральным касцёле Найсвяцейшага Імя Марыі, што на плошчы Свабоды, піша catholic.by.

У прамоўленым слове іерарх закрануў і сённяшнюю сітуацыю ў Беларусі:

«Мы розныя, што натуральна, і таму маем розныя меркаванні адносна тых самых праблем і пытанняў. І ў сям’і ўсе розныя, але гэта — адна сям’я, і ўсе клапоцяцца адно пра аднаго, пра супольнае дабро. Так і ў грамадстве мы перш за ўсё павінны кіравацца агульным дабром грамадства, а не толькі прасоўваннем свайго іміджу.

«Таму ў гэты складаны і нават неспакойны час нашай гісторыі напярэдадні выбараў усім палітычным і грамадскім сілам неабходна перш за ўсё думаць пра агульнае дабро грамадства і нашу супольную будучыню, каб яна будавалася перадусім на ўзаемапавазе і любові да бліжняга, а складаныя пытанні вырашаліся шляхам узаемнага дыялогу»,— падкрэсліў кіраўнік беларускага каталіцкага епіскапату.

Хочаш падзяліцца важнай інфармацыяй ананімна і канфідэнцыйна?

3
Міхась, Віцебск / Адказаць
19.06.2020 / 19:53
Дыялог з кім? З тым, хто лічыць, што ў яго няма апанентаў і канкурэнтаў? Хто прамаўляе ад імя народа, з народам даўно не размаўляючы? Хіба толькі з спецыяльна падрыхтаванымі людзьмі:)
11
Common Sense / Адказаць
19.06.2020 / 19:56
Трэба казаць праўду, а не змешываць праўду з непраўдай як сатаністы
7
zzzzz / Адказаць
19.06.2020 / 20:19
Я чакаю іншых слоў: "Не бойцеся, з намі праўда, а знацыцца з намі Бог".
Паказаць усе каментары/ 34 /
Каб пакінуць каментар, калі ласка, актывуйце JavaScript у наладах свайго браўзеру