Аляксандр Лукашэнка выказаўся за захаванне ў Беларусі міру і стабільнасці. Пра гэта кіраўнік дзяржавы заявіў падчас размовы з жыхарамі горада, перадае БелТА.
Лукашэнка адзначыў, што з павагай ставіцца да меркавання людзей, нават калі не падзяляе іх поглядаў. «Я добра вучыўся ў савецкія часы і цяперашнюю дэмакратыю вывучаў не па кніжках. Ёсць большасць, яна ў асноўным заўсёды вырашае. Але ёсць меншасць, да якой трэба прыслухоўвацца. Таму я не лічу, што вамі трэба грэбаваць. І я тут не заігрываю з вамі і не збіраюся падлізацца да вас. Я лічу, што любы чалавек мае права выказваць сваю пазіцыю», — сказаў Аляксандр Лукашэнка.
У той жа час кіраўнік дзяржавы падкрэсліў, што катэгарычна не згодны, калі нехта — няхай гэта будзе меншасць ці большасць — паводзіць сябе агрэсіўна. «Я чалавек мірны, не хачу, каб мы нейкім чынам разбуралі той мір і стабільнасць, якія сёння існуюць. Хтосьці ацэньвае гэтую стабільнасць як ненармальную, маўляў, нам такая стабільнасць не патрэбная. Ну, як мог, як умеў і быў адзін я, многія з нас стваралі гэтую краіну, і яна такая ёсць. Можа, іншыя зробяць лепш, 9 жнiўня ўсё вырашыцца», — адзначыў Лукашэнка, запэўніўшы, што ніякіх фальсіфікацый падчас маючых адбыцца выбараў не будзе.
Каментары