Самы папулярны відэаблогер паўднёва-ўсходняга кутка Беларусі — просты трактарыст.
У яго відэаблога «Хронікі механізатара» — 2260 падпісчыкаў. Але ягонае відэа «Дасталі» сабрала аж 171 тысячу праглядаў. Рэдка якая перадача БТ мае столькі гледачоў.
Гэтым разам ён абурана расказаў, як у іх пад Хойнікамі збіралі подпісы за Аляксандра Лукашэнку.
«Учыцяля жывуць нішчыя, а дзелаюць эту фальсіфікацыю! — расказвае ён. — Ходзяць па хатах, збіраюць. А потым самі ныюць: шо ж у нас такія малыя зарплаты?»
«Нічога нільзя, усё пад запрэтам!» — абураецца чалавек.
Хойніцкі раён знаходзіцца на поўдні Гомельскай вобласці, ён у свой час быў моцна забруджаны радыяцыяй.
«І вы вот паддзержываеце гэтую сістэму?» «З кім я ні гавару, усе проці, усе ого-го-го, але за глаза. Думайце! Нада думаць! Што-то ізмяніць», — падсумоўвае чалавек.