Фота Надзеі Бужан

Пра гэта патэнцыйная кандыдатка ў прэзідэнты заявіла ў інтэрв'ю Радыё Свабода. Паводле ЦВК, у яе 146 588 подпісаў. Раней Канапацкая казала, што сабрала 110 тысяч. Сёння яна заявіла, што гэта без уліку 35 тысяч, сабраных раней у рэгіёнах, а 110 тысяч падавала асабіста.

«Я збірала подпісы сама, — кажа яна. — Гэта цяжкая праца, але сабраць подпісы магчыма. Я не першы год у палітыцы, я ведаю, што на пікетах подпісы не збіраюць. Пікеты даюць прыгожую карцінку, але асноўная колькасць подпісаў збіраецца праз абход кватэр і прадпрыемстваў. Гэта былі і прыватныя прадпрыемствы, якія дазволілі мне збіраць подпісы, і буйныя прамысловыя прадпрыемствы. 

Я ўдзячная БелАЗу, які дазволіў збіраць подпісы ў іх. Я змагла сабраць там больш за 8 тысяч подпісаў…».

БелАЗ (каля 11 тысяч работнікаў) — прадпрыемства, размешчанае ў Мінскай вобласці (Жодзіна). Згодна з ЦВК, у Мінскай вобласці ў Канапацкай усяго 811 (г.зн. меней за 1000) подпісаў.

Прычым за межамі Мінска ў Канапацкай «сабрана» ўсяго 20 300 подпісаў.

Хочаш падзяліцца важнай інфармацыяй ананімна і канфідэнцыйна?