Мінчук узяў пакатацца скейтборд у мінака і не вярнуў яго. Выкрадальніка знайшлі сталічныя праваахоўнікі, паведамляе ГУУС Мінгарвыканкама.
Пацярпелы напярэдадні ўначы вяртаўся дадому. У падземным пераходзе на станцыі метро «Партызанская» да яго падышоў невядомы і папрасіў дазволу пакатацца на скейце. Мужчына дазволіў яму гэта зрабіць, пакуль адлучыўся на час у краму. Вярнуўшыся назад з пакупкамі, мінчук не знайшоў ні маёмасці, ні новага знаёмага.
Выкрадальнікам аказаўся 35-гадовы жыхар сталіцы. У той вечар ён знаходзіўся ў стане алкагольнага ап'янення, таму і прысвоіў скейт.
0
0
0
0
0
0
