Алег Мікалайчук нарадзіўся ў Беларусі, але жыве за межамі краіны ўжо больш за 15 год. Цяпер ён мае статус грамадзяніна ЗША, і менавіта гэты факт дапамог яму выйсці на свабоду пасля затрымання на акцыі ў Мінску.

«Мы са знаёмай вярталіся дадому і трапілі ў перакрытае месца. Мы падышлі да вайскоўцаў, якія перакрылі дарогу, і яны сказалі ісці нам назад. Мы пайшлі назад, а там АМАП, кажа: ідзіце туды. У выніку мяне проста забралі».

Затрыманне Алега Мікалайчука, фота Надзеі Бужан

На пытанне, ці аказваў супраціў падчас затрымання, Алег Мікалайчук адказаў, што, па вялікім рахунку, не.

«Што было ў аўтазаку, я слаба памятаю. Яны ўвесь час патрабавалі, каб я то лёг, то сеў, я кажу: «Што ўвогуле, людзі, адбываецца?» Там яны мяне білі нават. За што? Гэта мне ўжо складана сказаць. Білі па-рознаму: нешта ў іх у руках было. Шчыра, мне нават гаварыць складана: я голас сарваў.

Прывезлі ў Маскоўскае РУУС. Мяне па геалакацыі мая знаёмая там знайшла», — расказвае Алег.

Але, паколькі затрыманы аказаўся грамадзянінам ЗША, у справу неадкладна ўмяшалася амерыканскае пасольства. У выніку на Алега Мікалайчука няма нават ніякага складзенага пратакола.

«Учора, канечне, я выглядаў горш, але сёння ўсё роўна ў мяне ёсць нейкія сінякі», — падсумоўвае Алег.

фота Надзеі Бужан

Хочаш падзяліцца важнай інфармацыяй ананімна і канфідэнцыйна?

7
Серег / Адказаць
16.07.2020 / 12:32
В этой стране белорус может бить и унижать белоруса. Это позор Беларуси и белорусского народа. На нас вся ответственность.
4
Мікола / Адказаць
16.07.2020 / 12:38
яшчэ адно пацверджанне, што ў Лукашэнка для "народца" свае асобныя "законы"
7
per aspera / Адказаць
16.07.2020 / 12:39
Няхай бы амерыканцы адрэагавалі : мятуць жа ўсіх. Кангрэс ен нават мог патрапіць. Ну як такое можна проста дараваць, ці што ??!...
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру