16.04.2009 / 15:09

МУС выступае за аўтаматычнае адключэнне «шэрых мабільнікаў» 3

Пра гэта сёння на прэс‑канферэнцыі ў Мінску паведаміў начальнік аддзела галоўнага ўпраўлення крымінальнага вышуку МУС Беларусі Віктар Юзэфовіч.

«МУС сумесна з Генпракуратурай рашае пытанне, каб часцей прыцягваць да крымінальнай адказнасці г.зв. перашыўшчыкаў тэлефонаў. Мы спрабуем знайсці паразуменне з аператарамі сотавай сувязі, каб такія тэлефоны аўтаматычна адключыліся і не працавалі. Мяркую, што ў найбліжэйшы час дзякуючы настойлівасцю Генпракуратуры і МУС гэта праблема будзе вырашана», — сказаў ён.

Паводле Віктара Юзэфовіча, галоўнае — выпрацаваць механізм агульнага вырашэння.

«Варыянтаў шмат. Можна, напрыклад, абвясціць амністыю перапраграмаваным тэлефонам, набытым да ўступлення ў сілу прапанаванай нормы.

Канечне, мы разумеем, што ў адзін момант адключыць усе «шэрыя» тэлефоны немагчыма», ‑сказаў прадстаўнік МУС.

Як паведамлялася раней, у праекце ўказу, які ўжо распрацаваны ў Беларусі, утрымліваецца норма, у адпаведнасці з якой айчынныя аператары сотавай сувязі не будуць асблугоўваць тэлефонныя апараты, якія ўвезеныя ў краіну паводле шэрых схемаў».

БЕЛТА

0
Міхаліна / Адказаць
16.04.2009 / 17:41
...а ўладальнікаў такіх тэлефонаў - адразу да сценкі! На Беларусі тады застанецца адна дзесятая сёняшняга насельніцтва. Бязглуздзіца абсалютная - ну ўвядзіце легалізацыйны падатак, а адключаць - навошта? Хіба што ўсе лініі збыту легальных мабільнікаў пад крышаю МУСу - толькі тады логіка дзеянняў зразумелая.
0
UsAnon / Адказаць
16.04.2009 / 18:26
Пра незаплачаны падатак даўно ходзяць чуткі, каб узяць яго з карыстальнікаў "шэрых" мабілак. Але якім чынам яго спагнаць? Вось і кажуць пра адключэнне, хоць як адзін з варыянтаў разглядалася спісанне з рахунку абанента. Адключэнне ж за карыстанне "шэрым" тэлефонам можна трактаваць як парушэнне дагавору аб аказанні паслугаў сувязі аператарам і звяртацца ў суд. Незразумела таксама, што будзе адбывацца з тэлефонамі замежнікаў і нерэзідэнтаў, якія, прыязджаючы на Беларусь, карыстаюцца беларускімі сімкамі?
0
Ганна / Адказаць
17.04.2009 / 16:44
Мне падаецца, што адключаць "шэрых абанентаў" аператары не маюць права: ў дамове, якую мы ўсе падпісвалі не пазначана вартасць тэлефона і правы кампаніі ў выпадку неафіцыйнага мабільніка адключаць ягонага карыстальніка. У выпадку масавага адключэння ўсе смела могуць пісаць скаргі ў суд. А з іншага боку, як аператары возьмуць ды адключаць адразу 90% сваіх абанентаў? Адключаць і пойдуць жабракамі? Тады ў нас увогуле мабільная сувязь на некалькі год ляснецца =)
Каб пакінуць каментар, калі ласка, актывуйце JavaScript у наладах свайго браўзеру