Прэзідэнцкая газета: Вы гатовыя да таго, што ў вашай сям'і кагосьці не стане? Рыхтуйцеся
«Залатое пяро» Беларусі Андрэй Мукавозчык апублікаваў на sb.by чарговую калонку. На гэты раз яна прысвечана аб'яднанаму штабу і магчымым пратэстам у краіне.
Калумніст прэзідэнцкай газеты піша, што ў Беларусі рыхтуюць каляровую рэвалюцыю. Жэсты аб'яднанага штаба «пальцы-сэрца-кулак» Мукавозчык параўноўвае з нацысцкім вітаннем «зіг хайль».
Галоўнымі завадатарамі магчымай рэвалюцыі ў Беларусі журналіст называе студэнтаў і так званых «зарабітчан» (г. зн. працоўных мігрантаў). Журналіст праводзіць паралелі з Украінай, бо параўноўвае іх з «бандэраўцамі» (так расійская прапаганда злосна-грэбліва называе жыхароў Заходняй Украіны).
«Рабіць такім няма чаго, перспектывы цьмяныя, чаму не пабузіць? Ды і грошы заканчваюцца — вось іх ім і насыплюць. І пашлюць валіць уладу», — піша ў сваім тварэнні Мукавозчык.
Сімвалам бунту Мукавозчык назваў белыя стужкі.
«Калі нічога пад рукой няма — хоць пракладку на сябе чапляй, думаю, яны яшчэ гэта прапануюць», — грэбліва піша Мукавозчык.
«Залатое пяро» ўпэўнена, што белыя банты, белыя майкі, белыя блузкі будуць уніформай пратэстуючых, бо на іх «эфектна глядзіцца кроў».
Прапагандыст піша, што рыхтуецца цкаванне ўсіх «дзяржаўнікаў», наезды на выбарчыя камісіі і вулічны бунт незалежна ад выбараў.
«Хачу сказаць усяму нашаму крэатыўнаму фэйсбучнаму класу, усім разначынцам, якія дапамагаюць раздзімаць бунт у сацыяльных сетках, усім мужычкам з тапкам у адной руцэ і півам у іншай. Вы гатовыя да таго, што ў вашай сям'і, у вашым доме, у вашым асяроддзі кагосьці не стане? Рыхтуйцеся. Могуць нават забіць, а хутчэй за ўсё, заб'юць абавязкова — без гэтага бабін бунт да каляровай рэвалюцыі не дарасце. І, хутчэй за ўсё, заб'юць свае ж: правакацыя для бунту — гэта альфа і амега», — піша калумніст.
Мінінфарм прызнаў Мукавозчыка найлепшым аналітыкам Беларусі
Найлепшы! Мукавозчык сёлета выйграў яшчэ і «Залатое пяро»
Цяпер чытаюць
У Суле адзначылі Купалле. Гасцей было столькі, што на дарогах утварыліся заторы5
Каментары