Міліцыянты затрымалі трох актывістаў баранавіцкага Маладога Фронту напярэдадні акцыі Салідарнасці.
Юры Багдановіч, Арцём Ластавецкі і Пётр Рузаў былі затрыманы супрацоўнікамі міліцыі на падыходах да цэнтральнай плошчы гораду‑плошчы Леніна.
Міліцыянты паведамілі, што па пэўнай інфармацыі Юры Багдановіч мае падробны пашпарт, а таму юнакам неабходна прайсьці агляд у РАЎСе.
У аддзяленні міліцыі на Юрыя Багдановіча быў складзены адміністрацыйны пратакол за супраціў міліцыянтам. Сёння над ім адбудзецца суд. Арцёма Ластавецкага і Пятра Рузава празь некаторы час адпусцілі на свабоду, папярэдне сканфіскаваўшы ўсе партрэты і улёткі.
0
0
0
0
0
0
