«Наша Ніва» і Букмекерская кантора Леон працягваюць сачыць за футбольным першынствам.

Вазьміце гульню «Гарадзея» — «Белшына». Здавалася, што цікавага магло б адбыцца ў матчы з такой афішай?! Гульня і рухалася па панылым сцэнары да дададзенага арбітрам часу, а потым пачалося такое…

На 95-й хвіліне «Гарадзея» забівае з пенальці, але ўся спёка была толькі наперадзе. На восьмай дададзенай хвіліне пасля падачы з вуглавога Леанід Ковель лік зраўняў і нібыта захаваў для сваёй каманды такі важны турнірны бал. Але «цукровыя» не змірыліся з такім раскладам і змаглі вырваць такую важную перамогу. 

Проста паглядзіце агляд гульні, але раім зрабіць гук цішэйшым, бо каментатар быў вельмі эмацыйным.

Астатнія матчы таксама парадавалі нечаканымі вынікамі. «Слуцк» першай з 2013 года хатняй перамогай над «Іслаччу» нарэшце перарваў ганебную серыю без перамог. Непрыемная серыя скончылася і ў «Мінска», які ў дэрбі адолеў «Энергетык-БДУ», які разбіраюць на запчасткі.

БАТЭ ў Брэсце на класе абгуляў «Рух» і дагнаў «Шахцёр», які падзяліў балы з «Нёманам». Гарадзенцы былі ўпэўненыя ў сабе і цалкам перагулялі супернікаў. Але ўпэўненых дзеянняў у абароне і шаснаццаці ўдараў па браме (для параўнання, салігорцы нанеслі толькі чатыры) не хапіла для перамогі.

Вось усе вынікі матчаў мінулага тура:

  • «Слуцк» — «Іслач» 2:1 (50, Каанда; 53, Гафар — 15, Біток)
  • «Гарадзея» — «Белшына» 2:1 (90+5, Ёксімавіч; 90+9, Сайчыч — 90+8, Ковель)
  • «Віцебск» — «Смалявічы» 1:0 (56, Нікалаеску (п))
  • «Рух» — БАТЭ 0:3 (6, Насціч; 20, Няхайчык; 44, Скавыш)
  • «Мінск» — «Энергетык-БДУ» 2:1 (45, Ал. Васільеў (п); 52, Залескі — 35, Юдчыц (п)) 
  • «Нёман» — «Шахцёр» 0:0
  • «Тарпеда-БелАЗ» — «Дынама-Мінск» 0:0

ТУРНІРНАЯ ТАБЛІЦА

А зараз пераходзім да падзей наступнага тура.

«Рух» — «Славія»

Складаны для прагназавання матч. Берасцейцы і мазырчукі знаходзяцца побач у турнірнай табліцы, а адзіны іх матч у гісторыі скончыўся нулявой нічыёй.

«Славія» мінулы тур прапускала праз каранцін брэсцкага «Дынама», імаверна, гэты час каманда правяла ў пошуках слабых бакоў свайго суперніка.

Прагноз «НН»: нічыя.

«Віцебск» — «Слуцк»

«Віцебск» прайграў толькі адну хатнюю гульню з дзевяці ў гэтым чэмпіянаце. І ў апошніх 11 матчах у каманды Ясінскага таксама толькі адна параза, але і перамог не так шмат.

«Слуцк» прайграў пяць апошніх выязных матчаў. Магчыма, доўгачаканая перамога дадасць камандзе новых сіл, але паўтарэнне веснавога цуду, шчыра кажучы, малаімаверна.

Прагноз «НН»: перамога «Віцебска».

«Іслач» — «Дынама-Брэст»

Чэмпіёны нарэшце ачунялі і едуць у госці да «Іслачы». У каманды з мінскага раёна зноў серыя з трох параз, але вясной яна не працягнулася даўжэй. А цяпер існуе вялікая імавернасць працягу падзення. 

Летась пры канцы чэмпіянату «Іслач» не дала «Дынама» сябе абгуляць і крыху зацягнула чэмпіёнскую інтрыгу. Ці атрымаецца тое ж самае ў «ваўкоў» і на гэты раз?

10.11.2019. Гульня «Іслач» — «Дынама-Брэст». Фота Надзеі Бужан.

Прагноз «НН»: тотал, большы за 2.5.

«Белшына» — «Нёман»

Каманда-адкрыццё гэтага чэмпіянату адпраўляецца ў Бабруйск. Пакуль па страчаных балах «Нёман» ідзе нароўні з БАТЭ і «Шахцёрам», і гульня з аўтсайдарам — добрая нагода працягнуць лідарскі курс і ўпершыню за шэсць год выйграць у «Белшыны» ў гасцях.

Спадзяёмся, драма бабруйчан у мінулым туры ніяк не адаб'ецца на гульні каманды і «Белшына» зможа працягнуць змаганне за выжыванне.

Прагноз «НН»: «Нёман» пераможа.

«Дынама-Мінск» — «Гарадзея»

«Гарадзея», дзякуючы доўгачаканай перамозе, змагла крыху адарвацца ад зоны вылету, а ў мінскага «Дынама» не атрымалася наблізіцца да п'едэсталу: толькі нічыя ў Жодзіне.

Фота: ФК «Дынама-Мінск».

Мяркуем, што па выніках сезона абедзве каманды захочуць забыць яго як страшны сон. Але яшчэ ёсць 12 тураў, каб становішча выправіць.

Прагноз «НН»: «Дынама» пераможа.

«Энергетык-БДУ» — «Тарпеда-БелАЗ»

Аматары футбола ў Маладзечне з пераездам «Энергетыка» ў іх горад відавочна толькі выйгралі. То «студэнты» выйграюць у каманды-чэмпіёна, то выдадуць трылер з лікам 3:3 супраць «Віцебска», то дэкласуюць «Славію» з лікам 5:0, але ў апошнім матчы яны самі трапілі пад каток «Руху» і прайгралі 1:8.

«Тарпеда» гуляе таксама нестабільна апошнім часам: усяго адна перамога ў апошніх сямі турах. Яшчэ парачка такіх няўдач — і замест найвышэйшых радкоў у табліцы жодзінцы апынуцца ў другой яе палове. Таму Пунтусу трэба карыстацца кадравымі і турнірнымі праблемамі сваіх будучых супернікаў.

Прагноз «НН»: «Тарпеда» пераможа.

БАТЭ — «Мінск»

З БАТЭ пасля перамогі ў Брэсце крыху спаў ціск. Ці падобна гэта да пачатку новай пераможнай серыі, як у першым крузе, пакуль няясна, але гульня з «Мінскам» добрая для гэтага нагода.

Тым больш што «Мінск» апошні раз перамагаў у Барысаве ажно 10 год таму.

Прагноз «НН»: БАТЭ пераможа. 

«Шахцёр» — «Смалявічы»

У «Смалявічаў» у Віцебску не атрымалася паўтарыць такі трук, які яны правярнулі ў матчы з «Іслаччу». Дзёрзкая каманда саступіла, але мінімальна і толькі «дзякуючы» пенальці.

Цяпер у іх вельмі сур'ёзны іспыт — сустрэча з лідарам, які нічога не паказаў у Гродне і, імаверна, будзе вельмі злы.

Магчыма, перамагчы ў Гродне «гарнякам» не даў моцны дождж. Фота: ФК «Шахцёр».

Прагноз «НН»: «Шахцёр» пераможа. 

У сувязі з распаўсюдам каранавіруса мы не раім вам наведваць людныя мерапрыемствы, у тым ліку футбольныя матчы. Калі ўсё ж вырашыце пайсці на стадыён, прытрымлівайцеся мераў засцярогі.

Дзяліцеся прагнозамі ў каментарах. Калі лічыце сябе экспертам у беларускім футболе, зрабіце стаўку ў Букмекерскай канторы Леон!

Хочаш падзяліцца важнай інфармацыяй ананімна і канфідэнцыйна?

8
Кругом работающие пенсионеры / Адказаць
24.07.2020 / 16:05
Выпустите на поле ОмскийГазМяс. Они покажут настоящую игру.
7
Кругом работающие пенсионеры / Адказаць
24.07.2020 / 16:45
Футболисты молодцы. Выйграли, проиграли. Всё равно в конце месяца зарплата, премия. Дай Бог каждому. 
1
Жвір / Адказаць
24.07.2020 / 22:13
Беларускі чэмпіянат робіцца ўсё больш відовішчны. Сёньня паглядзеў гульню Віцебск-Слуцк, калі б ня ведаў, якія каманды гуляюць, дык падумаў бы, што гэта нейкія клюбы з англійскай прем'ер лігі. А ў Віцебску, як на мой погляд, гуляюць лепшыя легі беларускага чэмпа. Вандэрсан і Дыега сёньня проста феерылі.
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру