Чатырохдзённае турнэ па Віцебшчыне, Магілёўшчыне і Гомельшчыне кандыдатка ў прэзідэнты Святлана Ціханоўская завяршае ў горадзе над Сожам. На мітынг там сабраліся больш за 10 тысяч чалавек. Гэта найбольшы палітычны сход тут за апошнія дзесяцігоддзі. 

Вось як выглядаў мітынг у Гомелі. Глядзіце кароткія відэа:

«Добры дзень, родны Гомель Сяргея Ціханоўскага!» — так распачала свой выступ Святлана Ціханоўская. 

«Тое, што я стаю на гэтым месцы, заслуга майго мужа Сяргея Ціханоўскага», — сказала яна. Людзі адказалі скандаваннем «Сяргей! Сяргей!»

Нідзе раней Святлана Ціханоўская не выступала так пранікнёна, як у Гомелі. 

«Малайчына! Моцная жанчына!» — сказала карэспандэнту «Нашай Нівы» ўдзельніца мітынгу Ірына, доктар-тэрапеўт.

З пятніцы да нядзелі Ціханоўская ў суправаджэнні прадстаўнікоў штабоў Віктара Бабарыкі і Валерыя Цапкалы, а таксама паплечнікаў Паўла Севярынца праводзіла па тры сустрэчы ў дзень. У пятніцу — Глыбокае, Наваполацк, Віцебск. У суботу — Орша, Магілёў, Бабруйск. Сёння — Жлобін, Рэчыца і Гомель.

Мітынг у Гомелі, як і ўсе папярэднія, прайшоў у вельмі мірнай, жыццярадаснай атмасферы. Людзі ахвотна скандавалі «Жыве Беларусь!», «Верым! Можам! Пераможам!», «Любім! Можам! Пераможам!», «Света! Света!», «Перамен», «Свабоду».

Гомель — 510-тысячны абласны цэнтр на паўднёвым усходзе Беларусі. У 1994 годзе менавіта Гомельшчына дала Лукашэнку найбольшы працэнт галасоў, большы, чым нават яго родная Магілёўшчына. І такая сітуацыя працягвалася доўга: Падняпроўе заставалася бастыёнам падтрымкі аўтарытарнага рэжыму. Як можна меркаваць па сённяшнім мітынгу, нешта памянялася.

Нашы карэспандэнты знаходзіліся ў Гомелі. Мы прапануем вашай увазе анлайн-інфармацыю з месца падзеі, фота і відэа.

Вось відэастрымы (улічыце, што ў мінулыя дні трансляцыі часам перарываліся праз перагрузку сетак на месцы мітынгу, выбірайце той стрым, які цягне ў вас найлепш):

За паўгадзіны да пачатку сустрэчы на плошчы было ўжо некалькі тысяч людзей:

Каля 19.55 скончылася месца на плошчы, людзі збіраюцца за сцэнай і на іншым баку дарогі.

Людзі валяць з розных бакоў, вось так гэта выглядае:

Лукашэнкаўцы ўсюды вызначылі для сустрэч такія мясціны, каб было чым далей ад людных месцах, не на відне — але ні ў Гомелі, ні ў іншых гарадах гэта не адстрашыла людзей. Вось такія госці ёсць на мітынгу:

Чытайце таксама: На пікет Святланы Ціханоўскай у Бабруйску набіўся поўны стадыён ВІДЭА, ФОТА

Усход Беларусі скандуе «Жыве Беларусь!». Жлобін эйфарычна сустрэў «Анёлаў Чарлі» ВІДЭА

На плошчы — сотні нацыянальных сцягоў — на дрэўках і на спінах людзей, 3 Пагоні. Ёсць таксама некалькі дзяржаўных сцягоў і адзін сцяг Еўрасаюза. Учора ў Магілёве былі хлопцы са сцягамі з Чэ Геварам і кубінскім, а ўвечары ў Бабруйску — са сцягам Ізраіля. А сёння ў Гомелі чалавек прыйшоў з расійскім сцягам. Карэспандэнт «Нашай Нівы» заўважыў, што яго трымае п'яны мужчына. 

Іншы правакатар у момант пачатку выступу Ціханоўскай пачаў у мегафон пытацца: «Где скрыла доходы?» Вось фота гэтага чалавека (у цэнтры):

Спроба яшчэ адной правакацыі адбылася пры канцы сустрэчы. У ёй была задзейнічаная правакатарка-жанчына.

Людзі не змяшчаюцца на плошчы, стаяць з другога боку вуліцы:

Марыя Калеснікава перарвала свой выступ на хвіліну, калі чалавеку стала кепска. 

«Або мы ўсе застаёмся дома, і нас чакае яшчэ горшы крызіс і аб'яднанне з Расіяй па дарожных картах, або мы здзяйсняем нашу мару пра свабодную і шчаслівую Беларусь», — сказала прадстаўніца штаба Віктара Бабарыкі. «Жыве Беларусь!» — адказала плошча.

Мітынг у Гомелі, як і ўсе папярэднія, прайшоў у вельмі мірнай, жыццярадаснай атмасферы.

Гомель — 510-тысячны абласны цэнтр на паўднёвым усходзе Беларусі. У 1994 годзе менавіта Гомельшчына дала Лукашэнку найбольшы працэнт галасоў, большы, чым нават яго родная Магілёўшчына. І такая сітуацыя працягвалася доўга: Падняпроўе заставалася бастыёнам падтрымкі аўтарытарнага рэжыму. Як можна меркаваць па сённяшнім мітынгу, нешта памянялася.

Турнэ Святланы Ціханоўскай працягнецца ў сераду. Ад серады да нядзелі яна абяцае праехаць яшчэ 15 гарадоў.

Хочаш падзяліцца важнай інфармацыяй ананімна і канфідэнцыйна?

70
хамса / Адказаць
26.07.2020 / 20:23
другое відэа зверху… ізноў пра акуляры)
“Странная мода носить очки на голове зародилась в России в начале века, если быть точнее, в 2000-х годах. … Поначалу девушки использовали их в качестве ободка, чтобы продемонстрировать дорогую (а подчас вычурную) оправу и тем самым показать наличие средств и возможностей носить брендовые вещи. Затем же жест хвастовства приобрел функциональное значение: поднять очки намного проще и удобнее, чем каждый раз их прятать в футляр или держать в руках. Однако почему-то никому не пришло в голову, что выглядит это не только неопрятно, но и вульгарно. «Нося пластмассовую оправу солнечных очков в стразиках на голове, женщина представляет себя царевной-лебедь с картины Врубеля. Практически в кокошнике. Но очки не кокошник!» — прокомментировал как-то новомодную тенденцию бессменный ведущий программы «Модный приговор» Александр Васильев. Да и многие стилисты буквально вторят ему, утверждая, что носить очки на голове — не только моветон, но и привычка, от которой необходимо срочно избавляться. Дорогая оправа всегда была статусной вещью. Считается, что тренд, а точнее, антитренд на ношение оправы на голове задали наши русские барышни в конце 90-х с целью демонстрации ее стоимости. Александр Васильев назвал это явление «реинкарнацией кокошника»“
што газпрамаўскім сама-то)
9
Иня / Адказаць
26.07.2020 / 20:52
Кое-кто может скоро психануть) 
71
шлёма / Адказаць
26.07.2020 / 21:05
Пьяный мужчина с Российским флагом... А чего Цепкало с детьми поехал в Россию к пьяным мужчинам?
Паказаць усе каментары/ 66 /
Каб пакінуць каментар, калі ласка, актывуйце JavaScript у наладах свайго браўзеру