У Гомелі на мітынгу Святланы Ціханоўскай адбыліся спробы правакацый.

Як толькі кандыдатка ў прэзідэнты павіталася са шматтысячным натоўпам, з першых шэрагаў раздаўся нечы крык у мегафон: «Адкажы, чаму з падману пачынаеш? Чаму схавала даходы?!»

Правакатар, які прыйшоў з мегафонам у заплечніку. Фота Надзеі Бужан.

Да мужчыны з мегафонам адразу праціснуліся ахоўнікі. Забіраць тэхніку не сталі, але правакацыю спынілі. Да канца мітынгу ён ні разу не падаў голас.

Правакатара ўдалося ідэнтыфікаваць. Гэта намеснік дырэктара па ідэалогіі аднаго з мясцовых прадпрыемстваў. Ён быў намеснікам старшыні выбарчай камісіі на адным з участкаў на леташніх парламенцкіх выбарах.

Увечары пасля мітынгу карэспандэнт «Нашай Нівы» спрабаваў звязацца з мужчынам, аднак яго мабільнік быў адключаны.

Такая самая правакацыя адбылася ў канцы сустрэчы — дзяўчына ўзростам каля 25 гадоў праціснулася да сцэны, выхапіла з заплечніка мегафон і стала выкрыкваць: «Людзі, каму вы верыце, тут няма за каго галасаваць!» Натоўп быў настроены да дзяўчыны нервова, служба бяспекі ўзяла яе ў кола, каб людзі яе не чапалі. Урэшце дзяўчына дала драпака.

Вось яна трапіла на відэа:

Хочаш падзяліцца важнай інфармацыяй ананімна і канфідэнцыйна?

9
счётчик Гейгера / Адказаць
26.07.2020 / 23:09
Правакатара ўдалося ідэнтыфікаваць. Гэта намеснік дырэктара па ідэолагіі аднаго з мясцовых прадпрыемстваў.
https://nn.by/?c=ar&i=255977

А где доблестные менты ? Тут уже тянет на организацию этим челом организацию массовых беспорядков.... И ОМОМ обязан был подскочить...
8
Nokia / Адказаць
26.07.2020 / 23:13
Лукашысты не шкадуюць сваіх. Кідаюць аднаго на натоўп як на амбразуру.
6
ooo / Адказаць
26.07.2020 / 23:19
Фото девушки?
Паказаць усе каментары/ 45 /
Каб пакінуць каментар, калі ласка, актывуйце JavaScript у наладах свайго браўзеру