Пра гэта кандыдат у прэзідэнты Беларусі Святлана Ціханоўская заявіла ў інтэрв'ю «Медузе».
«Я лічу, што Беларусі не патрэбна Саюзная дзяржава. Беларусь павінна быць незалежнай самастойнай дзяржавай. Нам патрэбныя звычайныя міждзяржаўныя сувязі, ніякіх дадатковых дамоваў не трэба. Тады не ўзнікае і лішніх спакус кагосьці кудысьці далучаць. Мы і так сябруем, у нас мноства сувязяў — сяброўскіх, роднасных. Вядома, адносіны павінны быць добрымі, трэба працягваць развіваць эканамічныя сувязі. Але ўсё гэта павінна быць на роўных, у інтарэсах абедзвюх краін», — лічыць Ціханоўская.
«Незалежнасць — наша абсалютная каштоўнасць, мы яе не прадаём, мы ёю не гандлюем, мы нават не абмяркоўваем гэтае пытанне. Мы мірныя людзі і будзем сябраваць з усімі, але толькі ў інтарэсах уласнай краіны. Мы павінны стварыць партнёрства на роўных, а не залежнасць ад газавай або крэдытнай «іголкі», — падкрэсліла Святлана Ціханоўская.
«Зразумела, што Расія — наш сусед, а гэта азначае, што нам патрэбныя добрыя адносіны. Таму мы вельмі зацікаўленыя ў тым, каб Расія была дэмакратычнай цывілізаванай дзяржавай», — мяркуе яна.
Апытанка
Цяпер чытаюць
Памерла 39-гадовая экс-палітзняволеная Ганна Кандраценка. У калоніі ў яе знайшлі рак, але не вызвалілі30
Каментары