Нацыянальнае ўпраўленне па аэранаўтыцы і даследаванні касмічнай прасторы ЗША (NASA) папярэдзіла аб набліжэнні да Зямлі астэроіда дыяметрам ад 84 да 190 м, піша tass.ru.
Астэроід, які атрымаў назву 2009 PQ1, максімальна зблізіцца з зямлёй 5 жніўня. Ён праляціць міма нашай планеты на адлегласці 3,2 млн км з хуткасцю 13,4 км/c.
Астэроід быў адкрыты 14 жніўня 2009 года. Астраномы адносяць яго да Апалонаў — астэроідаў, арбіты якіх перасякаюць арбіту Зямлі.
