Моцная забруджанасць паветра можа выклікаць павышэнне ўзроўню смяротнасці ад захворвання, выкліканага каранавірусам. Пра гэта гаворыцца ў апублікаваным у аўторак дакладзе ААН аб уздзеянні пандэміі на жыццё ў буйных гарадах, піша tass.ru.

Пры гэтым у арганізацыі папярэдзілі: калі не прыняць меры па ахове навакольнага асяроддзя ў працэсе зняцця каранцінных мер, ачышчэнне паветра стане толькі часовым дасягненнем. У сувязі з гэтым генеральны сакратар ААН Антоніу Гутэрыш заклікаў «трымацца зялёнай палітыкі пры інклюзіўным аднаўленні эканомікі».

«У многіх гарадах былі створаны новыя веладарожкі, пешаходныя зоны, што дазваляе палепшыць бяспеку перамяшчэння і якасць паветра», — адзначыў ён.

«Стымулюючыя выплаты ўрадаў могуць дапамагчы нам на шляху да выканання мэтаў устойлівага развіцця, калі яны будуць сфакусаваныя на экалагічнай трансфармацыі і стварэнні новых працоўных месцаў», — сказаў на заканчэнне генеральны сакратар.

У ААН таксама распавялі, што каля 90% зафіксаваных выпадкаў інфікавання каранавірусам прыпадае на буйныя гарады.

Пры гэтым, як адзначылі ў ААН, гэта неабавязкова звязана з высокай шчыльнасцю насельніцтва. «Буйныя гарады бываюць уразлівыя з-за іх арганізацыі, асаблівасцяў умоў жыцця, працы і рухаў іх жыхароў», — падкрэсліваецца ў дакладзе.

«Неабходна забяспечыць, каб на ўсіх этапах адказ на выклікі пандэміі ўключаў у сябе ліквідацыю няроўнасці, — заявіў Гутэрыш. — Нам трэба паставіць у аснову абарону найбольш уразлівых жыхароў нашых гарадоў, у тым ліку ствараючы прытулкі і новыя дамы для бяздомных». «Гэта наш шанец зрабіць свет лепш, чым да пандэміі, стварыць больш устойлівыя, інклюзіўныя і экалагічныя гарады», — сказаў на заканчэнне ён.

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру