Лукашэнка падчас сустрэчы з сілавікамі заявіў, што бессімптомна перанёс каранавірус.
«Сябры, я прашу прабачэння за свой голас. Апошнім часам даводзіцца вельмі шмат размаўляць. Але самае дзіўнае, вы сёння сустракаецеся з чалавекам, які на нагах умудрыўся перанесці каранавірус. Такое ўчора заключэнне дактары зрабілі. Бессімптомна. Ну як я і казаў, 97% насельніцтва ў нас пераносяць гэтую заразу бессімптомна. Дзякуй богу, што мне ўдалося патрапіць у гэтую кагорту бессімптомных», — сказаў Лукашэнка.