Фота ТАСС.

З'явіліся першыя рэакцыі ў Расіі на інфармацыю беларускіх уладаў пра затрыманне ў краіне 33 расійскіх баевікоў.

Вось што піша тэлеграм-канал @wargonzo, які вядзе блізкі да «ДНР» экс-журналіст Lifenews Сямён Пегаў.

«Як стала вядома праекту @wargonzo ад крыніц у расійскіх спецслужбах, Мінск выкарыстоўваўся вагнераўцамі як перавалачны пункт для перакідання байцоў у іншыя краіны. Пераважна афрыканскія.

Натуральна, беларускія спецслужбы былі загадзя ў курсе і папярэджаныя, а па факце забяспечвалі спакойны працэс у перыяд пандэміі перакідання нашых байцоў на ўсходнія франты. Каранавірусны рэжым паміж Беларуссю і іншымі краінамі, як вы самі разумееце, значна больш мяккі, чым у выпадку РФ.

Дамоўленасці аб гэтым транспартным калідоры былі дасягнутыя на самым высокім узроўні, — сцвярджае канал. — Цяпер галоўнае пытанне — навошта было цяпер утыкаць нож у спіну суседу? З пункту гледжання спецслужбаў, гэта наогул не па-пацанску. Хлопцы і былі ў форме — таму што не чакалі ўдару ад сваіх і пункт прызначэння ў іх быў зусім не Мінск.

Ну і вінаваціць іх у намерах арганізацыі беспарадкаў? Трызненне. Масква менш за ўсё зацікаўлена, каб у Беларусі быў рэалізаваны ўкраінскі сцэнар», — піша @wargonzo.

Аналагічную версію паралельна выказаў сябар Пегава, пісьменнік Захар Прылепін, які сам быў баевіком на Данбасе і цесна звязаны з гэтым асяроддзем.

«Тое, што тры дзясяткі мужыкоў у камуфляжы збіраліся ў нейкі другі бок, і беларускім спецслужбам добра зразумела», — піша ён і прызнае, што ў спісе ёсць людзі, знаёмыя яму па «ДНР».

Мяжы між Беларуссю і Расіяй няма, памежнага кантролю таксама. Гэта значыць, што расійскія сілавікі, у прынцыпе, могуць перамяшчацца па нашай краіне свабодна і незаўважана. У выпадку патрэбы яны могуць дабрацца ад мяжы да Мінска за некалькі гадзін.

Хочаш падзяліцца важнай інфармацыяй ананімна і канфідэнцыйна?

13
LitvinM / Адказаць
29.07.2020 / 16:25
ВОСЬ ВАМ І ПРАЎДА
СПЕКТАКЛЬ
І - ЛУКАШЕНКАЎСКІ РЭЖЫМ СУПРАЦОЎНІЧАЕ З НАЙМІТАМІ
64
циник / Адказаць
29.07.2020 / 16:25
Маскоуская брахня, спешна згатаваная)))
14
Мордехай В. / Адказаць
29.07.2020 / 16:30
А хто верыць раciйскiм крынiцам? Толькi ворагi ды правакатары.

Вось чаму яны раптам з'ехалi з Мiнска, падалей ад аэрапорта? Рэйсы ў Стамбул адмянiлi?  Бачна, планы змянiлiся.

Паказаць усе каментары/ 31 /
Каб пакінуць каментар, калі ласка, актывуйце JavaScript у наладах свайго браўзеру